తెలంగాణ ప్రజలకు వైఎస్ రాజశేఖర్ రెడ్డి గుర్తుండిపోతారు: సంగారెడ్డి ఎమ్మెల్యే జగ్గారెడ్డి

సంగారెడ్డి కాంగ్రెస్ ఎమ్మెల్యే జగ్గారెడ్డి ఆసక్తికర వ్యాఖ్యలు చేశారు. తెలంగాణ ప్రజలకు వైఎస్ రాజశేఖర్ రెడ్డి గుర్తుండిపోతారని, ‘104’, ‘108’ సేవలను, ఫీజు రీయింబర్స్ మెంట్ ప్రవేశపెట్టిన చరిత్ర కాంగ్రెస్ పార్టీది అని అన్నారు. వైఎస్ ఏ ప్రాంతానికి చెందినవారన్నది ముఖ్యం కాదని, పేదలకు మేలు చేశారా? లేదా? అన్నదే ముఖ్యమని, వారికి మేలు చేసింది కాంగ్రెస్ ప్రభుత్వమేనని అన్నారు.

కాగా, ఈరోజు జగ్గారెడ్డి పుట్టినరోజు. ఈ సందర్భంగా అభిమానులు, కార్యకర్తల మధ్య తన పుట్టినరోజును ఘనంగా నిర్వహించుకున్నారు. అభిమానులు తీసుకొచ్చిన కేక్ ను జగ్గారెడ్డి కట్ చేశారు. జగ్గారెడ్డికి పూలమాలలు వేసిన ఆయన అభిమానులు అభినందనలు తెలిపారు.