గేలి చేసిన నెటిజన్‌కు సమంత దిమ్మతిరిగే కౌంటర్!

‘ఓ బేబీ’ సినిమా పక్కా ప్లాప్ అవుతుందంటూ ట్విట్టర్ వేదికగా కామెంట్ చేసిన ఓ నెటిజన్ కు తనదైన శైలిలో ప్రముఖ నటి సమంత సమాధానం ఇచ్చింది. సాధారణంగా సామ్ సినిమాలన్నింటికీ ప్రముఖ సింగర్ చిన్మయి శ్రీపాద డబ్బింగ్ చెబుతూ ఉంటారు. అలాగే ‘ఓ బేబీ’ చిత్రం తమిళ్ వర్షన్‌కు కూడా చిన్మయి డబ్బింగ్ చెప్పారు. ఈ విషయాన్ని సామ్ ట్విట్టర్ వేదికగా తెలిపింది. తమిళంలో చిన్మయి డబ్బింగ్ చెప్పినందుకు సంతోషం వ్యక్తం చేసింది.

దీనిపై స్పందించిన ఓ అమ్మాయి చాలా సంతోషంగా ఉందని, దర్శకురాలు నందినిరెడ్డి, సమంతల కాంబినేషన్‌పై అంచనాలు ఎక్కువగానే ఉంటాయని పేర్కొంది. ‘ఓ బేబీ’ సినిమా కోసం చాలా ఆతృతగా ఎదురు చూస్తున్నట్టు పేర్కొంది. ఈ ట్వీట్లను చూసిన కిరు అనే అనే నెటిజన్, ‘ఫెమినిస్ట్‌లందరూ ఒకే దగ్గర ఉన్నారుగా.. మూవీ పక్కా ప్లాప్’ అని కామెంట్ చేశాడు. దీనిపై సామ్ స్పందిస్తూ, ‘హాహా.. థాంక్యూ.. ప్రపంచం ఒక మూర్ఖుడిని కలిసింది.. మూర్ఖుడు ప్రపంచాన్ని కలిశాడు’ అని సమాధానమిచ్చింది.