ఆ మర్నాడే ‘పీఎం నరేంద్రమోదీ’ విడుదల చేస్తాం: వివేక్ ఒబెరాయ్

ప్రధాని నరేంద్రమోదీ జీవిత చరిత్ర ఆధారంగా రూపొందించిన బయోపిక్ ‘పీఎం నరేంద్రమోదీ’. సార్వత్రిక ఎన్నికల నేపథ్యంలో ‘కోడ్’ అమలులో ఉన్న కారణంగా గత నెలలో విడుదల కావాల్సిన ఈ బయోపిక్ రిలీజ్ కాలేదు. రేపు ఎన్నికల ఫలితాలు వెలువడనుండటంతో ఈ బయోపిక్ విడుదలకు చిత్ర యూనిట్ సన్నాహాలు చేస్తున్నట్టు సమాచారం.

ఈ బయోపిక్ లో టైటిల్ రోల్ పోషించిన బాలీవుడ్ నటుడు వివేక్ ఒబెరాయ్ ఈ సందర్భంగా మాట్లాడుతూ, మోదీ తిరిగి అధికారంలోకి వచ్చిన మర్నాడే ఈ చిత్రం అన్ని థియేటర్లలో విడుదల అవుతుందని చెప్పారు. ఈ బయోపిక్ కోసం ప్రజలు ఎంతో ఆసక్తితో ఎదురుచూస్తున్నారని అన్నారు. ఢిల్లీ, ముంబై లలో ‘పీఎం నరేంద్ర మోదీ’ ప్రీమియర్ షోలను ఇప్పటికే ప్రదర్శించినట్టు చెప్పారు.