సార్వత్రిక ఎన్నికల ప్రారంభం రోజునే ‘పీఎం నరేంద్రమోదీ’ బయోపిక్ విడుదల

ప్రధాని నరేంద్రమోదీ జీవితం ఆధారంగా తెరకెక్కిన ‘పీఎం నరేంద్రమోదీ’ని కొన్ని కారణాల వల్ల వాయిదా వేస్తున్నట్టు ఇటీవల ప్రకటించిన ఆ చిత్ర నిర్మాత సందీప్ సింగ్, తాజాగా మరో ప్రకటన చేశారు. ఆ సినిమా విడుదల తేదీని ఫిక్స్ చేశామని, ఈ నెల 11న విడుదల చేయనున్నట్టు చిత్రబృందం తెలిపింది.

ఎన్నికలు ముగిసే వరకూ ఈ చిత్రం విడుదలను నిలిపి వేయాలని కోరుతూ కాంగ్రెస్ నేత ఒకరు సుప్రీంకోర్టులో పిటీషన్ దాఖలు చేశారు. దీనిపై వాదనలు సోమవారం వింటామని కోర్టు తెలిపింది. అయినా కూడా సార్వత్రిక ఎన్నికల ప్రారంభం రోజునే సినిమాను విడుదల చేసేందుకు చిత్రబృందం సన్నద్ధమవుతోంది.