january1: జనవరి 1న అమ్మాయి పుడితే కనుక.. రూ.5 లక్షలు పట్టుకెళ్లండి!: బెంగళూరు మేయర్ బంపర్ ఆఫర్

కర్ణాటక రాజధాని బెంగళూరు మేయర్ గంగాంబిక బంపర్ ఆఫర్ ప్రకటించారు. 2019, జనవరి 1న పుట్టే 24 మంది అమ్మాయిలకు తలా రూ.5 లక్షలు అందిస్తామని తెలిపారు. బృహత్ బెంగళూరు మహానగర పాలికే(బీబీఎంపీ) తరఫున ఈ మొత్తాన్ని అందిస్తామని వెల్లడించారు. ఇందుకోసం గతేడాదే ‘పింక్ బేబీ’ పేరుతో పథకాన్ని తీసుకొచ్చామని పేర్కొన్నారు. బీబీఎంపీ పరిధిలోని 24 ప్రభుత్వ ఆసుపత్రుల్లో జనవరి 1న పుట్టిన చిన్నారులకే ఈ పథకం వర్తిస్తుందని స్పష్టం చేశారు. ఈ మొత్తాన్ని చిన్నారుల పేరు మీద డిపాజిట్ చేస్తామనీ, తద్వారా వారి చదువుతో పాటు వివాహ సమయంలో ఈ మొత్తం ఉపయోగపడుతుందని అభిప్రాయపడ్డారు. ఒకవేళ జనవరి 1న కాకుండా రెండో తేదీన అమ్మాయి పుట్టినా బహుమతిగా రూ.5 లక్షలు అందిస్తామని తెలిపారు.