sabarimala: శబరిమలపై రివ్యూ పిటిషన్లను ఇప్పుడే విచారించలేం: సుప్రీంకోర్టు

శబరిమల అయ్యప్పస్వామి ఆలయంలోకి అన్ని వయసుల స్త్రీలను అనుమతిస్తూ సుప్రీంకోర్టు సంచలన తీర్పును వెలువరించిన సంగతి తెలిసిందే. ఈ తీర్పును పలు మహిళా సంఘాలు హర్షిస్తుండగా, హిందూ సంస్థలు వ్యతిరేకిస్తున్నాయి. ఈ నేపథ్యంలో ఈ తీర్పుపై సుప్రీంలో రివ్యూ పిటిషన్ లు దాఖలయ్యాయి.

అయితే ఈ రివ్యూ పిటిషన్లను తక్షణమే విచారించేందుకు సుప్రీంకోర్టు నిరాకరించింది. నిర్దిష్ట సమయంలోనే రివ్యూ పిటిషన్లను విచారిస్తామని చెప్పింది. మరోవైపు, కోర్టు తీర్పుపై రివ్యూ పిటిషన్ దాఖలు చేయబోమని, కోర్టు తీర్పును అమలు చేసేందుకు చర్యలు చేపడతామని కేరళ ముఖ్యమంత్రి పినరయి విజయన్ తెలిపారు.