vijayasai reddy: ప్రజా సంకల్ప యాత్రలో మరో అపూర్వ ఘట్టమిది!: వైసీపీ ఎంపీ విజయసాయిరెడ్డి
గత ఏడాది నవంబర్ 6న వైసీపీ అధినేత వైఎస్ జగన్మోహన్ రెడ్డి ఇడుపులపాయలో ప్రారంభించిన ప్రజా సంకల్ప యాత్రకు నేటితో 250 రోజులు పూర్తయ్యాయి. ఈ విషయాన్ని తెలియజేస్తూ వైసీపీ ఎంపీ విజయసాయిరెడ్డి ఓ పోస్ట్ చేశారు. ఈ సుదీర్ఘ యాత్రలో ప్రతి నిత్యం ప్రజల గుండె చప్పుళ్ళు, అన్నార్తుల ఆక్రోశాన్ని ఆలకిస్తూ, వారిని తన గుండెకు హత్తుకుని భరోసా ఇస్తూ.. అధినేత వేస్తున్న ప్రతి అడుగు రేపటి శుభోదయానికి, అభ్యుదయానికి బాటలు కావాలని మనస్పూర్తిగా ఆకాంక్షిస్తున్నానని విజయసాయిరెడ్డి పేర్కొన్నారు.
