సోనియా కాళ్లు పట్టుకున్నప్పుడు కేటీఆర్ కు సింహం గుర్తుకు రాలేదా?: వీహెచ్
- అమ్మవారికి కవిత బోనం ఇస్తే.. అందరూ ఇచ్చినట్టేనా?
- స్వర్ణలత, శ్యామల చెప్పినట్టు టీఆర్ఎస్ ప్రభుత్వానికి రోజులు దగ్గరపడ్డాయి
- రైతు రాజయ్యకు సంకెళ్లు ఎందుకు వేశారో డీజీపీ చెప్పాలి
ఒకవైపు రైతుబంధు పథకం పేరు చెబుతూ, మరోవైపు రైతులకు సంకెళ్లు వేస్తున్నారంటూ వీహెచ్ మండిపడ్డారు. పాస్ బుక్ కావాలని అడిగిన పాపానికి హుజూరాబాద్ లో రైతు రాజయ్యకు సంకెళ్లు వేస్తారా? అంటూ ఆగ్రహం వ్యక్తం చేశారు. ఏం పాపం చేశాడని అతనికి సంకెళ్లు వేశారో డీజీపీ చెప్పాలని డిమాండ్ చేశారు. దశాబ్దాల పాటు దేశాన్ని పాలించిన కాంగ్రెస్... ఏనాడూ రైతులకు సంకెళ్లు వేయలేదని చెప్పారు.
