శ్రీరెడ్డిని గుండెల్లో పెట్టుకుని చూసుకోవాలని అనుకున్నాం: నటుడు ఉత్తేజ్

చలన చిత్ర పరిశ్రమలో అవకాశం కోసం ఎంతో ఓపికతో ఎదురు చూడాలని, ఇక్కడ రాణించాలంటే ప్రతిభతో పాటు ఎంతో అదృష్టం ఉండాలని నటుడు ఉత్తేజ్ వ్యాఖ్యానించాడు. నటి శ్రీరెడ్డిని గుండెల్లో పెట్టుకుని చూసుకోవాలని భావించామని, అయితే, తన అసభ్య ప్రవర్తనతో ఆ అర్హతను ఆమె కోల్పోయిందని చెప్పాడు. దర్శకుడు తేజ సినిమాల్లో నటించి ఉంటే ఆమెకు మరిన్ని అవకాశాలు వచ్చేవేమోనని అభిప్రాయపడ్డ ఉత్తేజ్, తను మాత్రం తప్పుడు మార్గంలో వెళ్లి ఎంతో పెద్ద పొరపాటు చేసిందని అన్నాడు. ఆమె ఎంచుకున్న మార్గం సరైనది కాదు కాబట్టే అవకాశాలు రాలేదని చెప్పాడు. ప్రతిభకు తోడు టైమ్ కలిసొస్తే చిత్ర పరిశ్రమలో రాణించవచ్చని చెప్పాడు.