ఆస్కార్ ఉత్త‌మ ఒరిజిన‌ల్ సాంగ్ నామినేష‌న్ల బ‌రిలో రెండు మ‌ల‌యాళం పాట‌లు

ఉత్త‌మ ఒరిజిన‌ల్ సాంగ్ కేట‌గిరీలో నామినేషన్ కోసం పోటీ ప‌డుతున్న 70 పాట‌ల జాబితాను ది అకాడ‌మీ ఆఫ్ మోష‌న్ పిక్చ‌ర్ ఆర్ట్స్ అండ్ సైన్సెస్ ప్ర‌క‌టించింది. ఈ పాట‌ల్లో రెండు భార‌తీయ పాట‌ల‌కు స్థానం ద‌క్కింది. మ‌ల‌యాళ చిత్రం 'పులిమురుగ‌న్‌' లోని 'క‌డాయానం క‌ల్చిలంబే', 'మాన‌దే మారికురుంబే' పాట‌లు ఈ జాబితాలో ఉన్నాయి.

వీటిలో మొద‌టి పాట‌ను చిత్ర‌, యేసుదాసు ఆలపించ‌గా, రెండో పాట‌ను వాణీ జ‌య‌రాం పాడారు. ఈ చిత్రానికి గోపీ సుంద‌ర్ స్వ‌రాలు స‌మ‌కూర్చారు. ఈ మొత్తం జాబితాలో 'కాల్ మీ బై యువ‌ర్ నేమ్', 'కోకో', 'బ్యూటీ అండ్ ద బీస్ట్‌', 'మ‌డ్‌బౌండ్' చిత్రాల్లోని పాట‌లు నామినేట్ అవుతాయ‌ని విశ్లేష‌కులు అభిప్రాయ‌ప‌డుతున్నారు. ఇంకా ఈ జాబితాలో దిగ్గ‌జ గాయ‌కులు టేల‌ర్ స్విఫ్ట్‌, మ‌రియా కారే, నిక్ జోన‌స్‌లు పాడిన పాట‌లు కూడా ఉన్నాయి. నామినేట్ అయిన పాట‌ల జాబితాను జ‌న‌వరి 23న ప్ర‌క‌టించ‌నున్నారు.