బాలీవుడ్ అంతా కంగ‌నాను వెలేసినా... ఆమిర్ ఆద‌రించాడు!

ఈ-మెయిళ్ల వివాదంలో హృతిక్ రోష‌న్ నోరు విప్పిన త‌ర్వాత బాలీవుడ్ మొత్తం కంగ‌నాను దోషిగా చూస్తోంది. ఆమెకు పెద్ద‌గా స్నేహితులు లేక‌పోవ‌డంతో కంగ‌నా ప‌రిస్థితి బాలీవుడ్ నుంచి వెలివేసినట్టుగా మారింది. ఈ వివాదం గురించి మాట్లాడిన‌ యామీ గౌత‌మ్‌, ఫర్హాన్ అక్త‌ర్‌, సోన‌మ్ క‌పూర్‌లు కూడా హృతిక్‌కే మ‌ద్ద‌తు ప‌లికారు. కానీ ఒక్క ఆమిర్ ఖాన్ మాత్రం కంగ‌నాను ఆద‌రించి, మ‌రోసారి మిస్ట‌ర్ ప‌ర్‌ఫెక్ష‌నిస్ట్ అనిపించుకున్నాడు.

ముంబైలోని ముకేశ్ అంబానీ ఇంట్లో `సీక్రెట్ సూప‌ర్‌స్టార్‌` స్క్రీనింగ్‌కి ఆమిర్‌, కంగ‌నాను ఆహ్వానించాడు. బాలీవుడ్ అంతా సైడ్ చేస్తున్న కంగ‌నాను మాత్ర‌మే ఆహ్వానించి త‌న ఔదార్యాన్ని చాటుకున్నాడు. బాలీవుడ్ మొత్తం కంగ‌నాను వెలివేసిన‌ట్లుగా చూడ‌టం ఆయ‌న‌కు న‌చ్చ‌లేద‌ట‌. అందుకే ఆయ‌న కంగనాను స్క్రీనింగ్‌కి ఆహ్వానించిన‌ట్లు స‌మాచారం.