: తెలంగాణ బడ్జెట్ 2016-17 ముఖ్యాంశాలు
ప్రత్యేక తెలంగాణ రాష్ట్రం ఏర్పడిన తరువాత ముచ్చటగా మూడవ బడ్జెట్ అసెంబ్లీ ముందుకు వచ్చింది. ఆర్థిక మంత్రి ఈటల రాజేందర్ దీన్ని ప్రవేశపెట్టారు. తెలంగాణ బడ్జెట్ ముఖ్యాంశాలివి.
* మొత్తం బడ్జెట్ రూ. 1,30,415.87 కోట్లు.
* ప్రణాళికా వ్యయం రూ. 67,630.73 కోట్లు.
* ప్రణాళికేతర వ్యయం రూ. 62,785.14 కోట్లు.
* నీటి పారుదల రంగానికి పెద్దపీట.
* దశాబ్దాల పాటు తెలంగాణపై వివక్ష కొనసాగింది.
* వివిధ కేసులు పరిష్కారమైతే రూ. 4 వేల కోట్ల ఆదాయం.
* ప్రజలపై పన్ను భారం లేకుండా చూసేందుకు కృషి
* గతంలో ఉన్న విద్యుత్ కోతలు లేకుండా చూశాం.
* కేంద్రం నుంచి అందిన సాయం రూ. 450 కోట్లు మాత్రమే.
* ఉమ్మడి రాష్ట్ర బకాయిలను చెల్లించాల్సిన దుస్థితి నెలకొంది.
* నీటి పారుదల రంగానికి రూ. 25 వేల కోట్లు.
* కాళేశ్వరం ఎత్తి పోతలకు రూ. 6,286 కోట్లు.
* పాలమూరు ఎత్తిపోతలకు రూ. 7,861 కోట్లు.
* సీతారామ ఎత్తిపోతల పథకానికి రూ.1,150 కోట్లు
* టీఎస్ ఐపాస్ తో ఔత్సాహికులకు ఎంతో ఊరట.
* రుణమాఫీకి రూ. 3,718 కోట్లు.
* తెలంగాణ జీడీపీ 11.47 శాతం.
* తలసరి ఆదాయం రూ. 1,43,023.
* జాతీయ తలసరి ఆదాయంతో పోలిస్తే ఇది రెట్టింపు.
* కేంద్రం నుంచి వచ్చే నిధులు రూ. 28,512.52 కోట్లు.
* రెవెన్యూ మిగులు రూ. 3,718.37 కోట్లు.
* ద్రవ్య లోటు రూ. 23,467.29 కోట్లు.
* ఎస్సీల సంక్షేమానికి రూ. 7,122 కోట్లు.
* బీసీల సంక్షేమానికి రూ. 2,538 కోట్లు.
* మైనారిటీల సంక్షేమానికి రూ. 1,204 కోట్లు.
* ఎస్టీల సంక్షేమానికి రూ. 3,752 కోట్లు.
* సోలార్ విద్యుత్ ప్రాజెక్టులకు ఏకగవాక్ష అనుమతులు.
* వచ్చే ఖరీఫ్ నుంచి రైతులకు 9 గంటల విద్యుత్.
* వ్యవసాయానికి అధిక ప్రాధాన్యత.
* 6 వేల గ్రామాలకు, 12 పట్టణాలకు డిసెంబరులోగా తాగునీరు.
* పండ్లు, కూరగాయల సాగు కోసం హార్టీ కల్చర్ కార్పొరేషన్.
* ఆసరా పెన్షన్ల కోసం రూ. 4,693 కోట్లు.
* కల్యాణలక్ష్మి, షాదీ ముబారక్ పథకాలకు రూ. 738 కోట్లు.
* మహిళా, శిశు సంక్షేమం కోసం రూ. 1,553 కోట్లు.
* రహదారులు, భవనాలకు రూ. 3,333 కోట్లు.
* బ్రాహ్మణ సంక్షేమానికి రూ. 100 కోట్లు.
* గ్రామీణాభివృద్ధి, పంచాయతీ రాజ్ శాఖకు రూ. 10,731 కోట్లు.
* పట్టణాభివృద్ధికి రూ. 4,815 కోట్లు.
* పారిశ్రామిక అభివృద్ధికి రూ. 967 కోట్లు.
* ఐటీ శాఖకు రూ. 254 కోట్లు.
* ప్రత్యేక అభివృద్ధి నిధిగా రూ. 4,675 కోట్లు.
* దేశంలోనే ఎక్కడా లేని విధంగా డబుల్ బెడ్ రూం ఇళ్ల నిర్మాణం.
* హైదరాబాద్ లో మరో నాలుగు సూపర్ స్పెషాలిటీ ఆసుపత్రులు.
* సూపర్ స్పెషాలిటీ ఆసుపత్రిగా వరంగల్ ఎంజీఎం.
* ఆరోగ్య రంగానికి రూ. 5,967 కోట్లు.
* వ్యవసాయ రంగానికి రూ. 6,759 కోట్లు.
* సంస్కృతి, పర్యాటక రంగాలకు రూ. 50 కోట్లు.
* అగ్నిమాపక శాఖకు రూ. 223 కోట్లు.
* వైద్య పరికరాల కొనుగోలుకు రూ. 600 కోట్లు.
* దీనిలో రోగ నిర్ధారణ పరికరాల కొనుగోలుకు రూ. 316 కోట్లు.
* విద్యాశాఖకు ఈ ఏడు రూ. 10,738 కోట్లు.
* జీహెచ్ఎంసీలో మరో లక్ష డబుల్ బెడ్ రూం ఇళ్లు.
* ఇతర ప్రాంతాల్లో లక్ష ఇళ్ల నిర్మాణం.
* షెడ్యూల్డ్ తెగల్లోకి వాల్మీకి, బోయలను చేర్చే ప్రతిపాదన.
* సంక్షేమానికి రూ. 13,412 కోట్లు.
* భవనాల నిర్మాణానికి రూ. 457 కోట్లు.
* మైనారిటీల కోసం 70 ఇంగ్లీషు మీడియం ఆశ్రమ పాఠశాలలు.
* ఇందుకోసం రూ. 350 కోట్ల కేటాయింపు.
* వచ్చే ఆర్థిక సంవత్సరం నుంచే తరగతులు.
* హెచ్ఎండీఏకు రూ. 650 కోట్లు.
* హైదరాబాద్ మెట్రో వాటర్ బోర్డుకు రూ. 1000 కోట్లు.
* ఖమ్మం జిల్లాలో మెగా ఫుడ్ పార్క్.
* మెగా ఫుడ్ పార్క్ కు ఇప్పటికే కేంద్రం అనుమతి.
* అన్ని మండలాల నుంచి జిల్లా రాజధానికి రెండు లైన్ల రోడ్లు.
* జిల్లా కేంద్రాల నుంచి రాజధానికి నాలుగు/ఆరు లైన్ల రోడ్లు.
* గతంలో రహదారుల నిర్మాణంలో తెలంగాణకు అన్యాయం.
* సిటీ పోలీస్ హెడ్ క్వార్టర్స్ నిర్మాణానికి రూ. 140 కోట్లు.
* పోలీసు సిబ్బంది క్వార్టర్ల కోసం రూ. 70 కోట్లు.
