'భాగ్యనగర వీధుల్లో గమ్మత్తు' మూవీ రివ్యూ

07-12-2019 Sat 22:30
Movie Name: Bhagyanagara Veedhullo Gammathu
Release Date: 2019-12-06
Cast: Srinivasa Reddy, Vennela Kishore, Raghu Babu, Shakalaka Shankar, Sathyam Rajesh, Sathya, Chithram Srinu, Praveen 
Director: Y. Srinivasa Reddy 
Producer: Y. Srinivasa Reddy 
Music: Saketh Komanduri 
Banner: Flying Colours Entertainments

ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.

కమెడియన్ గా శ్రీనివాస రెడ్డి ఒక్కో మెట్టూ పైకెక్కుతూ, ప్రధానమైన పాత్రలతో పాటు, కామెడీ హీరోగాను చేసే స్థాయికి చేరుకున్నాడు. మంచి టైమింగుతో నవ్వించే శ్రీనివాస రెడ్డి, దర్శక నిర్మాతగా ఈ సారి ఒక ప్రయోగం చేశాడు. ఆ ప్రయోగం పేరే .. 'భాగ్యనగర వీధుల్లో గమ్మత్తు'. తన తోటి హాస్య నటుల సహకారంతో ఆయన చేసిన ఈ సాహసం ఏ స్థాయిలో ఫలించిందో, దర్శక నిర్మాతగా ఆయనకి ఎన్నేసి మార్కులు తెచ్చిపెట్టిందో ఇప్పుడు చూద్దాం.

శ్రీను (శ్రీనివాస రెడ్డి) అతని స్నేహితులు షార్ట్ ఫిల్మ్స్ లో నటిస్తుంటారు. చాలీచాలని డబ్బులతో ఆర్ధికంగా ఇబ్బంది పడుతుంటారు. అలాంటి పరిస్థితుల్లో శ్రీను కొన్న భూటాన్ లాటరీ టికెట్ కి 2 కోట్లు తగులుతాయి. అదే సమయంలో ఆ లాటరీ టికెట్ మిస్సవుతుంది. దాంతో దాని కోసం వాళ్ల ముగ్గురూ గాలించడం మొదలుపెడతారు. ఇక డ్రగ్స్ ను అక్రమంగా తరలించే కోబ్రా('చిత్రం' శ్రీను) తమ ఆధారాలు సంపాదించిన ప్రియాంక కోసం తన మనుషులతో వెతికిస్తుంటాడు. మాఫియా ముఠాను పట్టుకోవడానికి పోలీస్ ఆఫీసర్ స్వతంత్ర (వెన్నెల కిషోర్) రంగంలోకి దిగుతాడు. వీళ్లందరి మధ్య జరిగే దాగుడుమూతల ఆట మాదిరిగా మిగతా కథ నడుస్తుంది.

కమెడియన్ గా ప్రేక్షకుల నుంచి మంచి గుర్తింపు తెచ్చుకున్న శ్రీనివాస రెడ్డి, తొలిసారి దర్శకనిర్మాతగా మారి తెరకెక్కించిన సినిమా ఇది. చిత్రపరిశ్రమలో నటుడిగా సుదీర్ఘ కాలంగా తన కెరియర్ ను కొనసాగిస్తున్న కారణంగా, శ్రీనివాస రెడ్డి ఒక మంచి కథనే ఎంపిక చేసుకుని ఉంటాడని చాలామంది అనుకుంటారు. కథనంపై గల అవగాహనతో  హాస్యాన్ని పరుగులు తీయించి ఉంటాడని భావిస్తారు. కానీ ఈ విషయంలో శ్రీనివాస రెడ్డి అందరి అంచనాలను తలక్రిందులు చేశాడనే చెప్పాలి.

కథను ఎక్కడి నుంచి మొదలు పెట్టాలి? .. ఎలా చెప్పాలి? .. ఎలా ముగించాలి? అనే విషయంలో శ్రీనివాస రెడ్డి  చాలా తడబడ్డాడు. పాత్రల పేర్లను రిజిస్టర్ చేయించలేనంత స్థాయిలో ఆయన విఫలమయ్యాడు. ఏ పాత్రకి కుటుంబ నేపథ్యం లేకుండా .. ప్రతి పాత్రను ఒంటరిగా పరిచయం చేస్తూ, లేని కథలో నుంచి కామెడీని పిండటానికి ప్రయత్నించాడు. శ్రీనివాస రెడ్డి కథపై శ్రద్ధ పెట్టలేదనీ .. కథనంపై దృష్టి పెట్టలేదనే విషయం, సినిమా మొదలైన కొద్ది సేపటికే అర్థమైపోతుంది. ఇంతకాలం ఫీల్డ్ లో వుండి శ్రీనివాస రెడ్డి ఎంచుకున్న కథ ఇదా? అనే ఆశ్చర్యం కలగక మానదు.

'బతుకు ఎడ్ల బండి'.. 'రసగుల్లా' ఎపిసోడ్స్ ఆరంభంలో ఫరవాలేదనిపించినా, ఆ తరువాత శ్రుతి మించడంతో వెగటు పుడుతుంది. హీరోయిన్ గానీ .. పాటలుగానీ లేకుండా చేసిన ప్రయోగం వలన విసుగు పుడుతుంది. సంగీతం .. రీ రికార్డింగ్ .. ఎడిటింగ్ ఇవేవి ఈ కథను ఒక సినిమా స్థాయిలో నిలబెట్టలేకపోయాయి. శ్రీనివాస రెడ్డి .. వెన్నెల కిషోర్ .. షకలక శంకర్ .. రఘుబాబు .. సత్యం రాజేశ్ .. సత్య .. ఇలా ఈ సినిమాలో కావాల్సినంతమంది కమెడియన్లు వున్నారు .. లేనిదల్లా కామెడీనే. హాస్యం పేరుతో వాళ్లు చేసిందంతా గందరగోళంగా కనిపిస్తుంది .. అయోమయంగా అనిపిస్తుంది. కన్ఫ్యూజన్లో నుంచి కామెడీని రాబట్టడానికి శ్రీనివాస రెడ్డి ప్రయత్నించాడు. అయితే ఆ ప్రయత్నంలో కామెడీ వికటించడంతో కన్ఫ్యూజన్ మాత్రమే మిగిలిపోయింది.      
 


More Articles
Advertisement
Telugu News
Rajinikanth met Tamil Nadu Chief Minister
క‌రోనా సాయంగా స్టాలిన్‌కు రూ.50 ల‌క్ష‌లు అందించిన ర‌జ‌నీకాంత్‌
2 hours ago
Nagarjuna hold praveen sattaru movie
యాక్షన్ మూవీని పక్కన పెట్టిన నాగార్జున!
4 hours ago
Raviteja rejected a good role in Vada Chennai
హిట్ మూవీలో పవర్ఫుల్ రోల్ వదులుకున్న రవితేజ!
4 hours ago
ntr fans performs puja
జూనియ‌ర్ ఎన్టీఆర్ కోలుకోవాల‌ని అభిమానుల ప్ర‌త్యేక పూజ‌లు.. వీడియో వైర‌ల్
5 hours ago
Maha Samudram movie has very intresting story
ఇద్దరు ఆవేశపరుల కథతో 'మహా సముద్రం'!
5 hours ago
Sruthi Haasan gave a green signal to Balakrishna movie
బాలకృష్ణ సినిమాకి శ్రుతిహాసన్ గ్రీన్ సిగ్నల్?
6 hours ago
Kruti Sanan opposite Vijay Devarakonda
సినిమా కబుర్లు.. సంక్షిప్త సమాచారం 
8 hours ago
Ram charan in confusion after shakers indian2 conflict
ఇండియన్‌-2 వివాదంతో ఆలోచనల్లో పడ్డ రామ చరణ్‌?
20 hours ago
The Beautiful city on the earth puri musings explains about it
ఆ అందమైన నగరం 2030 నాటికి దెయ్యాలగడ్డ అవుతుందట!
1 day ago
pooja chopra shares about bitter experience
గుర్తుతెలియని ఇద్దరు వ్యక్తులు నా కారుని వెంబడించి ఇంటికి వ‌చ్చేశారు: హీరోయిన్ పూజాచోప్రా
1 day ago