ap7am logo

'మల్లేశం' మూవీ రివ్యూ

Fri, Jun 21, 2019, 08:06 PM
Movie Name: Mallesham
Release Date: 21-06-2019
Cast: Priyadarshi, Ananya, Jhansi
Director: Raj.R
Producer: Raj.R, Sri Adhikari
Music: Mark K. Robin
Banner: SP, Studio 99

చేనేత కార్మికుల కష్టాలను గట్టెక్కించడానికి ఆసు యంత్రాన్ని తయారుచేసిన 'చింతకింది మల్లేశం' బయోపిక్ ఇది. గ్రామీణ నేపథ్యంలో రూపొందిన ఈ సినిమా ప్రేక్షకుల మనసులను కదిలించేస్తుందనే చెప్పాలి.

సాధారణంగా సినిమా రంగానికీ .. క్రీడా రంగానికి క్రేజ్ ఎక్కువగా ఉంటుంది. అందువలన ఆ రంగాలలో అద్భుతాలు చేసినవారి జీవితచరిత్రలను తెరకెక్కించడానికి దర్శక నిర్మాతలు ఉత్సాహాన్ని చూపుతుంటారు .. ఆసక్తిని కనబరుస్తుంటారు. ఇలాంటి పరిస్థితుల్లో జనానికి అంతగా తెలియని 'చింతకింది మల్లేశం' అనే ఓ చేనేత కార్మికుడి జీవితచరిత్రను తెరకెక్కించడానికి ప్రయత్నించడం నిజంగా సాహసమే అవుతుంది. అలాంటి ప్రయత్నం చేసిన దర్శక నిర్మాతగా రాజ్. ఆర్ కనిపిస్తాడు. 'మల్లేశం' బయోపిక్ తో ఆయన చేసిన సాహసం ఎంతవరకూ విజయవంతమైందో ఇప్పుడు చూద్దాం.

1984నాటి ఈ కథలోకి వెళితే 'మల్లేశం' (ప్రియదర్శి) ఓ చేనేత కార్మికుడు. మల్లేశం చిన్నప్పటి నుంచి చాలా తెలివైనవాడు .. చురుకైనవాడు. పవర్ తో నడిచే పనిముట్లను తయారు చేయడం ఆయనకి ఇష్టం. ఆయన తల్లి లక్ష్మి (ఝాన్సీ) తండ్రి నర్సింహులు(చక్రపాణి ఆనంద్) నేత పనిచేసుకుంటూ బతుకు బండిని లాగుతుంటారు. ఆర్ధికపరమైన ఇబ్బందుల కారణంగా ఏడవ తరగతితోనే తన చదువును ఆపేసిన మల్లేశం, తల్లిదండ్రులకు తనవంతు సహకారాన్ని అందిస్తూ పేదరికంలోనే పెద్దవాడవుతాడు.

చీరలలో ఆయా డిజైన్స్ రావడానికి అవసరమైన దారం అమరిక (ఆసు పోయడం) పనితో లక్ష్మి ఆరోగ్య పరంగా చాలా ఇబ్బందులు పడుతుంటుంది. దాంతో తల్లికి ఆ కష్టం లేకుండా చేయడం కోసం 'ఆసు యంత్రం'ను తయారు చేయడానికి 'మల్లేశం' రంగంలోకి దిగుతాడు. కోడలు వస్తే తనకి సహాయంగా ఉంటుందని తల్లి అనడంతో, తను మనసు పడిన పద్మ (అనన్య)ను వివాహం చేసుకుంటాడు. భార్య రాకతో పెరిగిన బాధ్యత ఒక పక్క .. ఆసు యంత్రాన్ని తయారు చేసే  విషయంలో ఎదురయ్యే అవాంతరాలు మరోపక్క. ఒంటి చేత్తో ఆయన వాటిని ఎలా ఎదుర్కొన్నాడన్నదే కథ.

సాధారణంగా ఇలాంటి సినిమాలు వినోదానికి దూరంగా .. ఆర్ట్ సినిమాలకి దగ్గరగా అనిపిస్తూ ఉంటాయి. కానీ ఎక్కడా అలాంటి ఛాయలు కనిపించనీయకుండా దర్శకుడు రాజ్.ఆర్ చాలా జాగ్రత్తలు తీసుకున్నాడు. 'మల్లేశం'గా ప్రియదర్శి  తెరపైకి రావడానికి కొంచెం ఎక్కువ సమయమే తీసుకున్నా, ఆయన బాల్యానికి సంబంధించిన సన్నివేశాలతో ప్రేక్షకులను అలరించాడు. ముఖ్యంగా 'పల్లెల బడిలోన పిల్లల గుడి ఆట' పాటతో, పల్లె అందాలను .. ప్రకృతితో వాళ్లకి వుండే బంధాలను పరిచయం చేశాడు. ప్రేక్షకులను బాల్యంలోకి తీసుకెళ్లి అనిర్వచనీయమైన అనుభూతిని కలిగించాడు.

కథారంభంలో సరదా సన్నివేశాలను కలుపుతూ వెళ్లిన ఆయన, ఇంటర్వెల్ తరువాత కథను ఉద్వేగం వైపు ఉరుకులు పెట్టించిన తీరు, స్క్రీన్ ప్లే పై ఆయనకి గల పట్టును నిరూపిస్తుంది. పేదరికానికి .. పెద్ద మనసులకు మధ్య జరిగే సంఘర్షణను అడుగడునా ఆయన ఆవిష్కరించిన తీరు బాగుంది. కథ .. కథనం .. మాట .. పాట .. లొకేషన్ల విషయంలో ఆయన తీసుకున్న శ్రద్ధ, ఈ సినిమాను సహజత్వానికి మరింత దగ్గరగా తీసుకెళ్లాయనడంలో సందేహం లేదు.
   
ప్రియదర్శి కెరియర్లో 'మల్లేశం' పాత్ర చెప్పుకోదగినదిగా నిలుస్తుందని చెప్పడంలో ఎలాంటి అతిశయోక్తి లేదు. ఈ పాత్రలో ఆయన పసిడి ఉంగరంలో పగడంలా ఇమిడిపోయాడు. మగ్గాన్ని నమ్ముకున్నవాళ్లు ఆత్మహత్యలు చేసుకోకూడదు .. వలస కూలీలుగా మారకూడదు. అలా జరగాలంటే ముందుగా తాను ఆసు యంత్రాన్ని తయారు చేయాలంటూ ఆరాటపడే మల్లేశం పాత్రకు ప్రియదర్శి జీవం పోశాడు. పల్లెల్లో బతకలేని పరిస్థితులు .. పట్నంలో బతకనీయని పరిస్థితులను ఎదుర్కొనే సందర్భాల్లోను, తాను సిద్ధం చేస్తోన్న చెక్క ఆసు యంత్రాన్ని తండ్రి తగలబెట్టినప్పుడు కన్నీటి పర్యంతమయ్యే సందర్భంలోను ఆయన కన్నీళ్లు పెట్టించాడు.
 
ఇక 'మల్లేశం' భార్య పద్మగా చేసిన 'అనన్య' ఈ కథా రథానికి రెండవ చక్రమని చెప్పాలి. ఆకర్షణీయమైన తన కళ్లతోనే అన్నిరకాల హావభావాలను పలికించేసింది. పుట్టింటివారు పెట్టిన పుస్తెల తాడును .. బంగారు గాజులను తాకట్టు కోసం భర్త అడిగినప్పుడు కోప్పడటం .. ఆ తరువాత మనసు మార్చుకుని ఆయనకి ఆ నగలు ఇచ్చేటప్పుడు 'అనన్య' అద్భుతంగా నటించింది. అందం .. అమాయకత్వంతో ఆకట్టుకుంటూనే, ప్రేమకి - పేదరికానికి మధ్య నలిగిపోయే ఇల్లాలి పాత్రలో ఆమె ఒదిగిపోయింది. 'మల్లేశం' తల్లిదండ్రుల పాత్రలకు ఝాన్సీ .. చక్రపాణి ఆనంద్ జీవం పోశారు. 'మల్లేశం' కారణంగా అప్పులవాళ్లు ఇంటిపైకి వచ్చినప్పుడు, ఈ ఇద్దరూ ఆవిష్కరించిన భావోద్వేగాలు మనసును భారం చేస్తాయి.

సంగీతం పరంగా మార్క్ కె. రాబిన్ కి మంచి మార్కులే పడిపోతాయి. ఫస్టాఫ్ లో వచ్చే రెండు పాటలు ఆయన ప్రతిభకు కొలమానంగా కనిపిస్తాయి. సాహిత్యం కూడా చక్కని భావజాలంతో కథకు మరింత బలాన్నిచ్చింది. మాటలు రాసినట్టుగా కాకుండా, పాత్రోచితంగా .. సందర్భోచితంగా అనిపిస్తాయి. ఇక ఇటు సన్నివేశాలను .. అటు పాటలను అద్భుతమైన చిత్రీకరణతో మనసుకు మరింత దగ్గరగా తీసుకొచ్చిన కెమెరామెన్ 'బాలు'ని అభినందించకుండా ఉండలేం. ఎడిటర్ రాఘవేందర్ పనితనం కూడా బాగుంది. పాటల్లోను .. సన్నివేశాల్లోను ఫీల్ పోకుండా ఆయన తన ప్రతిభను కనబరిచాడు. మొత్తంగా చూసుకుంటే ఈ 'మల్లేశం' గ్రామస్థుల మనసులతో పాటు ప్రేక్షకుల హృదయాలను కూడా గెలుచుకుంటాడనే చెప్పాలి.
Review By: Peddinti
X

Feedback Form

I agree to Terms of Service & Privacy Policy
'భీష్మ'  మూవీ రివ్యూ
ఓ ఆర్గానిక్ సంస్థ చైర్మన్ రసాయనిక ఎరువుల వాడకం ఎంతప్రమాదమో చాటిచెబుతూ ఆర్గానిక్ ఉత్పత్తుల వాడకాన్ని పెంచే ప్రయత్నం చేస్తుంటాడు. తన స్వార్థం కోసం రసాయనిక ఎరువులనే ప్రోత్సహిస్తూ, ఆర్గానిక్ సంస్థను దెబ్బతీయడానికి రాఘవన్ రంగంలోకి దిగుతాడు. ఈ నేపథ్యంలో ఆర్గానిక్ సంస్థ చైర్మన్ తన సంస్థను కాపాడుకోవడం కోసం, డిగ్రీ కూడా పాస్ కాని 'భీష్మ'ను సీఈఓ గా నియమిస్తాడు. అందుకు గల కారణం ఏమిటి? వేల కోట్ల టర్నోవర్ కలిగిన సంస్థకి సీఈఓగా భీష్మ ఎలా నెగ్గుకొచ్చాడు? అనేదే కథ. వినోదానికి సందేశాన్ని జోడిస్తూ అల్లుకున్న ఈ కథ పూర్తిస్థాయిలో ప్రేక్షకులను ఆకట్టుకుంటుంది.
'వరల్డ్ ఫేమస్ లవర్' మూవీ రివ్యూ
జీవితం పాఠాలు నేర్పుతుంది, ప్రేమ .. పరీక్షలు పెడుతుంది. గౌతమ్ అనే ఒక ప్రేమికుడికి  జీవితం ఎలాంటి పాఠాలు నేర్పింది? ప్రాణంగా ప్రేమించిన అమ్మాయి నుంచి అతనికి ఎటువంటి పరీక్షలు ఎదురయ్యాయి? వాటిని అతను ఎలా అధిగమించాడు? అనేదే ఈ సినిమా కథ. హీరోతో పాటు నలుగురు కథానాయికల పాత్రలకి ప్రాధాన్యతనిస్తూ ఈ కథ నడుస్తుంది. అక్కడక్కడా 'అర్జున్ రెడ్డి'ని గుర్తుచేస్తూ, నిదానమైన కథనంతో సాగే ఈ సినిమా, విజయ్ దేవరకొండ అభిమానులకు నచ్చొచ్చు.
'జాను' మూవీ రివ్యూ
అనుకోకుండా జరిగే కొన్ని సంఘటనలు భవిష్యత్తును నిర్ణయిస్తుంటాయి .. జీవితాన్ని మార్చేస్తుంటాయి. అలాంటి ఒక సంఘటన ఇద్దరి ప్రేమికులను దూరం చేస్తుంది. ఆ సంఘటన ఏమిటి? చాలా కాలం తరువాత కలుసుకున్న ఆ ఇద్దరూ ఆ జ్ఞాపకాలను ఎలా పంచుకున్నారు? అనేది కథ. అనుభూతి ప్రధానమైన ఈ కథ, ఆ పరిధిని దాటేసి సాగతీతగా అనిపిస్తుంది. ఈ తరహా కథలకు ప్రాణంగా నిలవాల్సిన పాటలు, ప్రేక్షకుల మనసులను పట్టుకోలేకపోయాయి .. ఆకట్టుకోలేకపోయాయి. తమిళ .. కన్నడ భాషా ప్రేక్షకుల ఆదరణ పొందిన ఈ కథ, తెలుగు రీమేక్ గా మాత్రం ఓ మాదిరిగా అనిపిస్తుందంతే. 
'అశ్వద్ధామ ' మూవీ రివ్యూ
ఒక వైపున కుటుంబ గౌరవాన్నీ .. మరో వైపున చెల్లెలి కాపురాన్ని కాపాడుకోవడానికి రంగంలోకి దిగిన కథానాయకుడే  'అశ్వద్ధామ'. నగరంలో ఆడపిల్లలు అదృశ్యం కావడానికి గల కారణాన్ని కనుక్కునే బాధ్యతను కూడా ఆయన తన భుజాలపైనే వేసుకుంటాడు. ఆ ప్రయత్నంలో ఆయన ఎలాంటి పరిస్థితులను ఎదుర్కోవలసి వస్తుంది ? వాటిని ఆయన ఎలా అధిగమించాడు? అనేది కథ. నాగశౌర్య తను స్వయంగా రాసిన కథ ఇది .. నిర్మాత కూడా ఆయనే. నిర్మాణ పరమైన విలువలు బాగానే ఉన్నప్పటికీ కథాపరంగా విషయాల్లో అనుభవలేమి కనిపిస్తుంది. యాక్షన్ ఎపిసోడ్స్ ను మాత్రమే పట్టుకుని వేళ్లాడిన నాగశౌర్య, మిగతా అంశాలను సరిగ్గా రాసుకోలేకపోయాడు .. ప్రేక్షకులను పూర్తిస్థాయిలో మెప్పించలేకపోయాడు.  
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
'అర్జున్ సురవరం' మూవీ రివ్యూ
నకిలీ సర్టిఫికెట్లకి సంబంధించిన వ్యాపారం కోట్ల రూపాయల్లో కొనసాగుతూ ఉంటుంది. ఆ మాఫియా దెబ్బకి 'అర్జున్ సురవరం' అనే రిపోర్టర్ భవిష్యత్తు కూడా ప్రశ్నార్థకంగా మారుతుంది. దాంతో ఆ మాఫియాకి అడ్డుకట్టవేయడానికి అతను రంగంలోకి దిగుతాడు. పర్యవసానంగా అతనికి ఎదురయ్యే పరిస్థితులతో ఈ కథ సాగుతుంది. బలమైన కథాకథనాలతో .. ఆద్యంతం ఆసక్తికరమైన మలుపులతో సాగే ఈ సినిమా ఆకట్టుకుంటుంది.
'తోలుబొమ్మలాట' మూవీ రివ్యూ
జీవితానికి అందాన్నిచ్చేది .. జీవితానికో అర్థాన్నిచ్చేవి బంధాలు - అనుబంధాలేనని నమ్మే వ్యక్తి సోమరాజు. తన కుటుంబ సభ్యులంతా సఖ్యతగా ఉన్నారని భావించిన ఆయనకి, అందులో నిజంలేదనే విషయం తన మరణం తరువాత తెలుస్తుంది. ఆత్మగా వున్న ఆయన, వాళ్లలో మార్పు తీసుకురావడం కోసం ఏం చేశాడనేదే కథ. మూడు తరాలకి చెందిన కుటుంబ సభ్యులతో కలిసి సాగే ఈ కథ ఫరవాలేదనిపిస్తుంది.
'రాగల 24 గంటల్లో' మూవీ రివ్యూ
అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 
'జార్జి రెడ్డి' మూవీ రివ్యూ
ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
YSRCP confirms Rajya Sabha ticket to ex-APCC chief?..
YSRCP confirms Rajya Sabha ticket to ex-APCC chief?
World Famous Lover: Producer KS Rama Rao demands refund fr..
World Famous Lover: Producer KS Rama Rao demands refund from Vijay Deverakonda
Reuters publishes article in support of AP capital decentr..
Reuters publishes article in support of AP capital decentralisation
TV5 questions Donald Trump on H-1B visa..
TV5 questions Donald Trump on H-1B visa
TDP MLA Ramanaidu ready to join YSRCP?..
TDP MLA Ramanaidu ready to join YSRCP?
Donald Trump leaves India- Exclusive visuals from Delhi ai..
Donald Trump leaves India- Exclusive visuals from Delhi airport
CM KCR Meets Donald Trump at Rashtrapati Bhavan..
CM KCR Meets Donald Trump at Rashtrapati Bhavan
9 PM Telugu News: 25th February 2020..
9 PM Telugu News: 25th February 2020
SpiceJet launches first cargo flight from Visakha; YSRCP M..
SpiceJet launches first cargo flight from Visakha; YSRCP MP MVV Satyanarayana face 2 face
President Kovind's dinner for Donald Trump: What is on the..
President Kovind's dinner for Donald Trump: What is on the menu?