Vinay Rajkumar: ఓటీటీలో కన్నడ రొమాంటిక్ లవ్ స్టోరీ!

కన్నడలో వినయ్ రాజ్ కుమార్ కి మంచి ఫాలోయింగ్ ఉంది. తన బాడీ లాంగ్వేజ్ కి తగిన కథలను .. పాత్రలను ఎంచుకుంటూ ఆయన ముందుకు వెళుతున్నాడు. ఆడియన్స్ కి ఏ మాత్రం రొటీన్ గా అనిపించకుండా ఎప్పటికప్పుడు జోనర్స్ ను మారుస్తూ కొత్తదనం చూపిస్తున్నాడు. ఈ నేపథ్యంలో ఆయన చేసిన మరో సినిమానే 'అందోండిట్టు కాలా'. ఆగస్టు 29వ తేదీన థియేటర్లకు వచ్చిన ఈ సినిమా, యూత్ నుంచి మంచి రెస్పాన్స్ ను చూసింది. 

అలాంటి ఈ సినిమా రీసెంటుగా 'అమెజాన్ ప్రైమ్ వీడియో'కి వచ్చింది. వినయ్ రాజ్ కుమార్ జోడిగా అదితి ప్రభుదేవా అలరించింది. కీర్తి కన్నప్ప దర్శకత్వం వహించిన ఈ సినిమాకి, ఓటీటీ వైపు నుంచి మంచి రెస్పాన్స్ వస్తున్నట్టుగా తెలుస్తోంది. 1990లలో నడిచే ఈ కథకు ఆడియన్స్ బాగా కనెక్ట్ అయ్యారు. థియేటర్స్ నుంచి కంటే కూడా ఓటీటీ వైపు నుంచి మంచి మార్కులు కొట్టేస్తుందని అంటున్నారు. హీరో - హీరోయిన్స్ మధ్య మంచి కెమిస్ట్రీ వర్కౌట్ అయిందని చెబుతున్నారు.  

 రొమాంటిక్ లవ్ స్టోరీస్ ఎక్కువగా యూత్ పై ఆధారపడి నడుస్తాయనేది అందరికీ తెలిసిందే.  ఈ తరహా కథల్లో ఫీల్ ను పేక్షకులు ఎక్కువగా కోరుకుంటారు. ఫొటోగ్రఫీ .. సంగీతం కూడా ఈ తరహా కథలకు మరింత ప్రాణం పోస్తూ ఉంటాయి. రాఘవేంద్ర సంగీతాన్ని సమకూర్చిన ఈ సినిమాలో, నిషా కృష్ణన్ .. అరుణ్ బాలాజీ .. గోవిందే గౌడ .. జగ్గప్ప .. ముఖ్యమైన పాత్రలలో కనిపిస్తారు. తెలుగు ఆడియో కోసం వెయిట్ చేసే ఆడియన్స్ కూడా ఎక్కవగానే ఉన్నారు. త్వరలో తెలుగులోను అందుబాటులోకి వస్తుందేమో చూడాలి మరి.