Mobile Island: సముద్రంలో కదిలే దీవి.. న్యూక్లియర్ బ్లాస్ట్ను సైతం తట్టుకునేలా చైనా 'మొబైల్ ఐలాండ్' నిర్మాణం
- అణు దాడులను సైతం తట్టుకునే సామర్థ్యంతో చైనా కృత్రిమ దీవి నిర్మాణం
- 78,000 టన్నుల బరువుతో సముద్రంలో కదిలే మొబైల్ ప్లాట్ఫామ్గా రూపకల్పన
- శాస్త్రీయ పరిశోధనల కోసమని చెబుతున్నా.. సైనిక ప్రమాణాలతో నిర్మాణం
- 2028 నాటికి ఈ భారీ నిర్మాణం పూర్తి చేయాలని లక్ష్యం
- భారీ తుఫాన్లు, ఎత్తైన అలలను సైతం తట్టుకునేలా ప్రత్యేక టెక్నాలజీ
అంతర్జాతీయంగా మరో భారీ, సంచలనాత్మక ప్రాజెక్టుకు చైనా శ్రీకారం చుట్టింది. ఏకంగా 78,000 టన్నుల బరువున్న ఒక కృత్రిమ దీవిని నిర్మిస్తోంది. దీని ప్రత్యేకత ఏమిటంటే.. ఇది సముద్రంలో కదులుతుంది, అంతేకాదు అణు దాడులను సైతం తట్టుకోగలదు. శాస్త్రీయ పరిశోధనల కోసం నిర్మిస్తున్నామని చైనా చెబుతున్నప్పటికీ, దీని నిర్మాణం సైనిక ప్రమాణాలకు అనుగుణంగా జరగడం ప్రపంచవ్యాప్తంగా ఆసక్తిని రేకెత్తిస్తోంది.
చైనాకు చెందిన ఫుజియాన్ విమాన వాహక నౌక అంత పరిమాణంలో ఉండే ఈ ప్లాట్ఫామ్ను 2028 నాటికి పూర్తి చేయాలని లక్ష్యంగా పెట్టుకున్నారు. ఎలాంటి బయటి సరఫరాలు లేకుండా 238 మంది సిబ్బంది నాలుగు నెలల పాటు ఇక్కడ నివసించేందుకు వీలుగా దీనిని తీర్చిదిద్దుతున్నారు. "ఈ ప్రాజెక్ట్ డిజైన్, నిర్మాణ పనులను వేగవంతం చేస్తున్నాం. 2028 నాటికి ఇది కార్యకలాపాలు ప్రారంభించేలా చూడటమే మా లక్ష్యం" అని ప్రాజెక్ట్ హెడ్ లిన్ జోంగ్కిన్ తెలిపారు.
ఈ కృత్రిమ దీవి అత్యంత కఠినమైన సముద్ర వాతావరణాన్ని సైతం తట్టుకోగలదు. 6 నుంచి 9 మీటర్ల ఎత్తున ఎగిసిపడే అలలను, అత్యంత శక్తిమంతమైన కేటగిరీ 17 తుఫానులను కూడా ఇది ఎదుర్కోగలదు. సౌత్ చైనా మార్నింగ్ పోస్ట్ కథనం ప్రకారం.. తీవ్రమైన అఘాతాలను సైతం తేలికపాటి ఒత్తిళ్లుగా మార్చేసే "మెటామెటీరియల్" శాండ్విచ్ ప్యానెళ్లను ఇందులో వినియోగిస్తున్నారు.
అధికారికంగా దీనిని "డీప్-సీ ఆల్-వెదర్ రెసిడెంట్ ఫ్లోటింగ్ రీసెర్చ్ ఫెసిలిటీ" అని పిలుస్తున్నారు. అయితే, దీని రూపకల్పనలో చైనా సైనిక ప్రమాణమైన GJB 1060.1-1991ను అనుసరించారు. అణు దాడులను తట్టుకునే నిర్మాణాలకు ఈ ప్రమాణాన్ని ఉపయోగిస్తారు. అత్యవసర విద్యుత్, కమ్యూనికేషన్స్, నావిగేషన్ కంట్రోల్ వంటి కీలక విభాగాలను అణు దాడుల నుంచి కాపాడటం చాలా ముఖ్యమని షాంఘై జియావో టాంగ్ యూనివర్సిటీ పరిశోధకులు పేర్కొన్నారు.
చైనాకు చెందిన ఫుజియాన్ విమాన వాహక నౌక అంత పరిమాణంలో ఉండే ఈ ప్లాట్ఫామ్ను 2028 నాటికి పూర్తి చేయాలని లక్ష్యంగా పెట్టుకున్నారు. ఎలాంటి బయటి సరఫరాలు లేకుండా 238 మంది సిబ్బంది నాలుగు నెలల పాటు ఇక్కడ నివసించేందుకు వీలుగా దీనిని తీర్చిదిద్దుతున్నారు. "ఈ ప్రాజెక్ట్ డిజైన్, నిర్మాణ పనులను వేగవంతం చేస్తున్నాం. 2028 నాటికి ఇది కార్యకలాపాలు ప్రారంభించేలా చూడటమే మా లక్ష్యం" అని ప్రాజెక్ట్ హెడ్ లిన్ జోంగ్కిన్ తెలిపారు.
ఈ కృత్రిమ దీవి అత్యంత కఠినమైన సముద్ర వాతావరణాన్ని సైతం తట్టుకోగలదు. 6 నుంచి 9 మీటర్ల ఎత్తున ఎగిసిపడే అలలను, అత్యంత శక్తిమంతమైన కేటగిరీ 17 తుఫానులను కూడా ఇది ఎదుర్కోగలదు. సౌత్ చైనా మార్నింగ్ పోస్ట్ కథనం ప్రకారం.. తీవ్రమైన అఘాతాలను సైతం తేలికపాటి ఒత్తిళ్లుగా మార్చేసే "మెటామెటీరియల్" శాండ్విచ్ ప్యానెళ్లను ఇందులో వినియోగిస్తున్నారు.
అధికారికంగా దీనిని "డీప్-సీ ఆల్-వెదర్ రెసిడెంట్ ఫ్లోటింగ్ రీసెర్చ్ ఫెసిలిటీ" అని పిలుస్తున్నారు. అయితే, దీని రూపకల్పనలో చైనా సైనిక ప్రమాణమైన GJB 1060.1-1991ను అనుసరించారు. అణు దాడులను తట్టుకునే నిర్మాణాలకు ఈ ప్రమాణాన్ని ఉపయోగిస్తారు. అత్యవసర విద్యుత్, కమ్యూనికేషన్స్, నావిగేషన్ కంట్రోల్ వంటి కీలక విభాగాలను అణు దాడుల నుంచి కాపాడటం చాలా ముఖ్యమని షాంఘై జియావో టాంగ్ యూనివర్సిటీ పరిశోధకులు పేర్కొన్నారు.
