TGSRTC: టీజీఎస్ఆర్టీసీ భారీ ప్రణాళిక.. కొత్తగా రెండు బస్ డిపోలు.. 39 చోట్ల బస్టాండ్ల విస్తరణ
- రూ. 209 కోట్లతో ఆర్టీసీ బస్టాండ్ల ఆధునికీకరణకు బృహత్ ప్రణాళిక
- రాష్ట్రవ్యాప్తంగా 39 ప్రాంతాల్లో అభివృద్ధి పనులు
- ఏటూరునాగారం, పెద్దపల్లిలో కొత్తగా బస్ డిపోల నిర్మాణం
- పలుచోట్ల పాత బస్టాండ్ల పునర్నిర్మాణం, విస్తరణ పనులు
- మొదటి దశలో 8 చోట్ల పనులు ప్రారంభం, 31 చోట్ల డీపీఆర్ల తయారీ
తెలంగాణ రాష్ట్ర రోడ్డు రవాణా సంస్థ (TGSRTC) ప్రయాణికులకు మెరుగైన సౌకర్యాలు కల్పించే దిశగా కీలక అడుగులు వేస్తోంది. రాష్ట్రవ్యాప్తంగా మౌలిక సదుపాయాలను మెరుగుపరిచేందుకు ఏకంగా రూ. 209.44 కోట్ల భారీ బడ్జెట్తో బృహత్తర ప్రణాళికను సిద్ధం చేసింది. ఈ ప్రణాళికలో భాగంగా 39 ప్రాంతాల్లో కొత్త బస్ డిపోల నిర్మాణం, పాత బస్ స్టేషన్ల పునర్నిర్మాణం, ఆధునికీకరణ
పనులను చేపట్టనుంది.
ప్రస్తుతం రాష్ట్రంలో 97 బస్ డిపోలు ఉండగా, ఈ సంఖ్యను పెంచేందుకు కొత్తగా రెండు డిపోలను ఏర్పాటు చేస్తున్నారు. ములుగు జిల్లా ఏటూరునాగారంలో రూ. 5.91 కోట్లతో, పెద్దపల్లిలో రూ. 11.04 కోట్లతో కొత్త డిపోల నిర్మాణ పనులు జరుగుతున్నాయి. ఈ డిపోలు పూర్తయితే ఇప్పటివరకు బస్సు సౌకర్యం లేని మారుమూల గ్రామాలకు రవాణా సదుపాయం మెరుగుపడుతుంది.
అలాగే ములుగు పాత బస్టాండ్ను పూర్తిగా కూల్చివేసి రూ. 4.8 కోట్లతో కొత్తగా నిర్మిస్తున్నారు. మధిరలో రూ. 9.40 కోట్లతో, కోదాడలో రూ. 16.89 కోట్లతో, మహబూబ్నగర్లో రూ. 15 కోట్లతో అధునాతన బస్ స్టేషన్లు నిర్మించనున్నారు. హుజూర్నగర్, కాళేశ్వరం, నాగర్కర్నూల్, రేగొండ వంటి ప్రాంతాల్లోనూ కొత్త బస్ స్టేషన్ల పనులు వివిధ దశల్లో ఉన్నాయి. నిజామాబాద్, వేములవాడ, గోదావరిఖని, పాల్వంచ తదితర బస్టాండ్లను ఆధునికీకరించనున్నారు.
మొదటి దశలో ఎనిమిది చోట్ల టెండర్ల ప్రక్రియ పూర్తయి పనులు వేగంగా సాగుతున్నాయి. మిగిలిన 31 ప్రాంతాల్లో పనుల కోసం సమగ్ర ప్రాజెక్టు నివేదికలు (DPR) సిద్ధమవుతున్నాయి. ఇవి పూర్తి కాగానే టెండర్లు పిలిచి పనులు ప్రారంభిస్తారు. ఈ ప్రాజెక్టులన్నీ పూర్తయితే రాష్ట్రంలో ఆర్టీసీ బస్టాండ్ల రూపురేఖలు మారి ప్రయాణికులకు సౌకర్యవంతమైన ప్రయాణ అనుభూతి లభిస్తుందని అధికారులు ఆశాభావం వ్యక్తం చేస్తున్నారు.
పనులను చేపట్టనుంది.
ప్రస్తుతం రాష్ట్రంలో 97 బస్ డిపోలు ఉండగా, ఈ సంఖ్యను పెంచేందుకు కొత్తగా రెండు డిపోలను ఏర్పాటు చేస్తున్నారు. ములుగు జిల్లా ఏటూరునాగారంలో రూ. 5.91 కోట్లతో, పెద్దపల్లిలో రూ. 11.04 కోట్లతో కొత్త డిపోల నిర్మాణ పనులు జరుగుతున్నాయి. ఈ డిపోలు పూర్తయితే ఇప్పటివరకు బస్సు సౌకర్యం లేని మారుమూల గ్రామాలకు రవాణా సదుపాయం మెరుగుపడుతుంది.
అలాగే ములుగు పాత బస్టాండ్ను పూర్తిగా కూల్చివేసి రూ. 4.8 కోట్లతో కొత్తగా నిర్మిస్తున్నారు. మధిరలో రూ. 9.40 కోట్లతో, కోదాడలో రూ. 16.89 కోట్లతో, మహబూబ్నగర్లో రూ. 15 కోట్లతో అధునాతన బస్ స్టేషన్లు నిర్మించనున్నారు. హుజూర్నగర్, కాళేశ్వరం, నాగర్కర్నూల్, రేగొండ వంటి ప్రాంతాల్లోనూ కొత్త బస్ స్టేషన్ల పనులు వివిధ దశల్లో ఉన్నాయి. నిజామాబాద్, వేములవాడ, గోదావరిఖని, పాల్వంచ తదితర బస్టాండ్లను ఆధునికీకరించనున్నారు.
మొదటి దశలో ఎనిమిది చోట్ల టెండర్ల ప్రక్రియ పూర్తయి పనులు వేగంగా సాగుతున్నాయి. మిగిలిన 31 ప్రాంతాల్లో పనుల కోసం సమగ్ర ప్రాజెక్టు నివేదికలు (DPR) సిద్ధమవుతున్నాయి. ఇవి పూర్తి కాగానే టెండర్లు పిలిచి పనులు ప్రారంభిస్తారు. ఈ ప్రాజెక్టులన్నీ పూర్తయితే రాష్ట్రంలో ఆర్టీసీ బస్టాండ్ల రూపురేఖలు మారి ప్రయాణికులకు సౌకర్యవంతమైన ప్రయాణ అనుభూతి లభిస్తుందని అధికారులు ఆశాభావం వ్యక్తం చేస్తున్నారు.
