Under-19 World Cup: అండర్-19 వరల్డ్ కప్ షెడ్యూల్ విడుదల... తొలి మ్యాచ్‌లో అమెరికాతో టీమిండియా పోరు

ఐసీసీ అండర్-19 పురుషుల క్రికెట్ ప్రపంచకప్ 2026 షెడ్యూల్‌ను అధికారికంగా విడుదల చేశారు. ఈ మెగా టోర్నమెంట్‌కు జింబాబ్వే, నమీబియా దేశాలు సంయుక్తంగా ఆతిథ్యం ఇవ్వనున్నాయి. 2026 జనవరి 15న టోర్నీ ప్రారంభమై, ఫిబ్రవరి 6న ఫైనల్‌తో ముగుస్తుంది. మొత్తం 16 జట్లు పాల్గొనే ఈ టోర్నీలో 41 మ్యాచ్‌లు జరగనున్నాయి. ఫైనల్ మ్యాచ్‌కు హరారే స్పోర్ట్స్ క్లబ్ వేదిక కానుంది.

టోర్నమెంట్ ప్రారంభం రోజున (జనవరి 15) భారత్, యూఎస్‌ఏతో తన తొలి మ్యాచ్ ఆడనుంది. మరోవైపు, ఆతిథ్య జింబాబ్వే స్కాట్లాండ్‌తో, వెస్టిండీస్ టాంజానియాతో తలపడనున్నాయి. టాంజానియాకు ఇది తొలి అండర్-19 ప్రపంచకప్ కావడం విశేషం. డిఫెండింగ్ ఛాంపియన్ ఆస్ట్రేలియా జనవరి 16న ఐర్లాండ్‌తో తమ ప్రయాణాన్ని ప్రారంభిస్తుంది. ఇక, భారత్, బంగ్లాదేశ్ మధ్య కీలకమైన మ్యాచ్ జనవరి 17న బులవాయోలో జరగనుంది. 

కాగా, చిరకాల ప్రత్యర్థులు భారత్, పాకిస్థాన్ జట్లు సూపర్ సిక్స్ దశలో తలపడే అవకాశం ఉంది. లీగ్ దశలో భారత్ గ్రూప్-ఏలో ఉండగా, పాకిస్థాన్ గ్రూప్-బిలో ఉంది.

ఈ టోర్నమెంట్‌లో మొత్తం 16 జట్లను నాలుగు గ్రూపులుగా విభజించారు. గ్రూప్ దశ ముగిశాక, సూపర్ సిక్స్ దశ, ఆ తర్వాత సెమీఫైనల్స్, ఫైనల్ నిర్వహిస్తారు. ఐదుసార్లు ఛాంపియన్‌గా నిలిచిన భారత్.. బంగ్లాదేశ్, యూఎస్‌ఏ, న్యూజిలాండ్‌లతో పాటు గ్రూప్-ఏలో ఉంది.

ఈ సందర్భంగా ఐసీసీ ఛైర్మన్ జై షా మాట్లాడుతూ, "అండర్-19 ప్రపంచకప్ ఎందరో భవిష్యత్ దిగ్గజాలకు పునాది వేసింది. విరాట్ కోహ్లీ, కేన్ విలియమ్సన్, స్టీవ్ స్మిత్ వంటి ఎందరో ఆటగాళ్లు ఈ వేదిక నుంచే ఎదిగారు. జింబాబ్వే, నమీబియాలలో జరగనున్న ఈ టోర్నీ ద్వారా యువ క్రీడాకారులకు ప్రపంచస్థాయి వేదికను అందిస్తున్నందుకు సంతోషంగా ఉంది" అని తెలిపారు.

గ్రూపుల వివరాలు:
గ్రూప్-ఏ: భారత్, బంగ్లాదేశ్, యూఎస్‌ఏ, న్యూజిలాండ్
గ్రూప్-బి: జింబాబ్వే, పాకిస్థాన్, ఇంగ్లండ్, స్కాట్లాండ్
గ్రూప్-సి: ఆస్ట్రేలియా, ఐర్లాండ్, జపాన్, శ్రీలంక
గ్రూప్-డి: టాంజానియా, వెస్టిండీస్, అఫ్గానిస్థాన్, దక్షిణాఫ్రికా

టోర్నమెంట్ షెడ్యూల్:

గ్రూప్ స్టేజ్:
* జనవరి 15: యూఎస్‌ఏ vs ఇండియా, క్వీన్స్ స్పోర్ట్స్ క్లబ్, బులవాయో
* జనవరి 15: జింబాబ్వే vs స్కాట్లాండ్, తకాషింగా స్పోర్ట్స్ క్లబ్, హరారే
* జనవరి 15: టాంజానియా vs వెస్టిండీస్, HP ఓవల్, విండ్‌హోక్
* జనవరి 16: పాకిస్థాన్ vs ఇంగ్లండ్, తకాషింగా స్పోర్ట్స్ క్లబ్, హరారే
* జనవరి 16: ఆస్ట్రేలియా vs ఐర్లాండ్, నమీబియా క్రికెట్ గ్రౌండ్, విండ్‌హోక్
* జనవరి 16: అఫ్గానిస్థాన్ vs దక్షిణాఫ్రికా, HP ఓవల్, విండ్‌హోక్
* జనవరి 17: ఇండియా vs బంగ్లాదేశ్, క్వీన్స్ స్పోర్ట్స్ క్లబ్, బులవాయో
* జనవరి 17: జపాన్ vs శ్రీలంక, నమీబియా క్రికెట్ గ్రౌండ్, విండ్‌హోక్
* జనవరి 18: న్యూజిలాండ్ vs యూఎస్‌ఏ, క్వీన్స్ స్పోర్ట్స్ క్లబ్, బులవాయో
* జనవరి 18: ఇంగ్లండ్ vs జింబాబ్వే, తకాషింగా స్పోర్ట్స్ క్లబ్, హరారే
* జనవరి 18: వెస్టిండీస్ vs అఫ్గానిస్థాన్, HP ఓవల్, విండ్‌హోక్
* జనవరి 19: పాకిస్థాన్ vs స్కాట్లాండ్, తకాషింగా స్పోర్ట్స్ క్లబ్, హరారే
* జనవరి 19: శ్రీలంక vs ఐర్లాండ్, నమీబియా క్రికెట్ గ్రౌండ్, విండ్‌హోక్
* జనవరి 19: దక్షిణాఫ్రికా vs టాంజానియా, HP ఓవల్, విండ్‌హోక్
* జనవరి 20: బంగ్లాదేశ్ vs న్యూజిలాండ్, క్వీన్స్ స్పోర్ట్స్ క్లబ్, బులవాయో
* జనవరి 20: ఆస్ట్రేలియా vs జపాన్, నమీబియా క్రికెట్ గ్రౌండ్, విండ్‌హోక్
* జనవరి 21: ఇంగ్లండ్ vs స్కాట్లాండ్, తకాషింగా స్పోర్ట్స్ క్లబ్, హరారే
* జనవరి 21: అఫ్గానిస్థాన్ vs టాంజానియా, HP ఓవల్, విండ్‌హోక్
* జనవరి 22: జింబాబ్వే vs పాకిస్థాన్, తకాషింగా స్పోర్ట్స్ క్లబ్, హరారే
* జనవరి 22: ఐర్లాండ్ vs జపాన్, నమీబియా క్రికెట్ గ్రౌండ్, విండ్‌హోక్
* జనవరి 22: వెస్టిండీస్ vs దక్షిణాఫ్రికా, HP ఓవల్, విండ్‌హోక్
* జనవరి 23: బంగ్లాదేశ్ vs యూఎస్‌ఏ, తకాషింగా స్పోర్ట్స్ క్లబ్, హరారే
* జనవరి 23: శ్రీలంక vs ఆస్ట్రేలియా, నమీబియా క్రికెట్ గ్రౌండ్, విండ్‌హోక్
* జనవరి 24: ఇండియా vs న్యూజిలాండ్, క్వీన్స్ స్పోర్ట్స్ క్లబ్, బులవాయో

**సూపర్ సిక్స్ (జనవరి 25 నుంచి ఫిబ్రవరి 1 వరకు)**

నాకౌట్ దశ:
* ఫిబ్రవరి 03: తొలి సెమీఫైనల్, క్వీన్స్ స్పోర్ట్స్ క్లబ్, బులవాయో
* ఫిబ్రవరి 04: రెండో సెమీఫైనల్, హరారే స్పోర్ట్స్ క్లబ్, హరారే
* ఫిబ్రవరి 06: ఫైనల్, హరారే స్పోర్ట్స్ క్లబ్, హరారే