Zohran Mamdani: న్యూయార్క్ నగరానికి తొలి భారత ముస్లిం మేయర్గా జోహ్రాన్ మమ్దానీ... ఆయన పేరుకి ఎంత అర్థం ఉందంటే!
- చరిత్ర సృష్టించిన జోహ్రాన్ మమ్దానీ.. న్యూయార్క్కు కొత్త మేయర్
- ఆయన పూర్తి పేరు తన బహుళ సాంస్కృతిక వారసత్వానికి ప్రతీక
- ఘనా స్వాతంత్ర్య సమరయోధుడు క్వామే ఎన్క్రుమా గౌరవార్థం మధ్య పేరు
అమెరికాలోని న్యూయార్క్ నగర రాజకీయాల్లో ఒక కొత్త శకం ఆరంభమైంది. భారత సంతతికి చెందిన 34 ఏళ్ల జోహ్రాన్ మమ్దానీ నగరానికి తొలి ముస్లిం మేయర్గా ఎన్నికై చరిత్ర సృష్టించారు. 1892 తర్వాత ఈ పదవిని చేపట్టనున్న అత్యంత పిన్న వయస్కుడిగా కూడా ఆయన రికార్డు సృష్టించారు. 2026 జనవరి 1న ఆయన బాధ్యతలు స్వీకరించనున్నారు.
జోహ్రాన్ మమ్దానీ నేపథ్యం ఎంతో ఆసక్తికరమైనది. ఆయన తల్లిదండ్రులిద్దరూ భారతీయ మూలాలున్నవారే. ఆయన తండ్రి మహమూద్ మమ్దానీ ముంబైలో జన్మించారు, ప్రస్తుతం న్యూయార్క్లోని కొలంబియా యూనివర్సిటీలో ప్రొఫెసర్గా పనిచేస్తున్నారు. ఆయన తల్లి ప్రముఖ అంతర్జాతీయ సినిమా దర్శకురాలు మీరా నాయర్. జోహ్రాన్ ఉగాండాలో జన్మించారు. ఐదేళ్ల వయసులో దక్షిణాఫ్రికాకు, ఏడేళ్ల వయసులో కుటుంబంతో కలిసి న్యూయార్క్కు వలస వచ్చారు. 2018లో అమెరికా పౌరసత్వం పొందినప్పటికీ, ఆయన ఉగాండా పౌరసత్వాన్ని కూడా కొనసాగిస్తున్నారు.
పేరు వెనుక పెద్ద కథ
జోహ్రాన్ క్వామే మమ్దానీ అనే తన పూర్తి పేరులో ఆయన బహుళ సాంస్కృతిక వారసత్వం, స్ఫూర్తి కనిపిస్తాయి. అల్ జజీరా కథనం ప్రకారం, ఆయన పేరులోని ప్రతి భాగానికి ఒక ప్రత్యేక అర్థం ఉంది.
మమ్దానీ (Mamdani): ఇది గుజరాతీ ఖోజా ముస్లింలలో సాధారణంగా ఉండే ఇంటిపేరు. మహమ్మద్ ప్రవక్త అనుచరులు అని దీనికి అర్థం వస్తుంది.
జోహ్రాన్ (Zohran): అరబిక్, పర్షియన్ మూలాలున్న ఈ పదానికి 'కాంతి', 'వెలుగు', 'వికసించడం' వంటి అర్థాలున్నాయి.
క్వామే (Kwame): ఈ పేరు వెనుక ఒక బలమైన స్ఫూర్తి ఉంది. ఇది పశ్చిమాఫ్రికాలోని ఘనా దేశానికి చెందిన అకాన్ ప్రజల సాంప్రదాయక పేరు. దీనికి 'శనివారం పుట్టినవాడు' అని అర్థం. అంతేకాదు, 'జ్ఞానం', 'నాయకత్వం' అని కూడా సూచిస్తుంది. ఘనా స్వాతంత్ర్య సమరయోధుడు, ఆ దేశ తొలి అధ్యక్షుడు క్వామే ఎన్క్రుమాకు గుర్తుగా ఆయన తండ్రి ఈ పేరు పెట్టారు.
మరోవైపు... అద్దెలు పెంచబోమని, ఉచిత బస్సు సర్వీసులు, అందరికీ వైద్యం వంటి హామీలతో ప్రచారం చేసి యువ ఓటర్లను జోహ్రాన్ విశేషంగా ఆకట్టుకున్నారు. ఎన్నికల ప్రచారంలో భాగంగా ఒక చర్చలో, ప్రత్యర్థి ఆయన పేరును తప్పుగా పలికినప్పుడు, "నా పేరు మమ్దానీ... దాన్ని సరిగ్గా పలకడం నేర్చుకోండి" అని ధైర్యంగా చెప్పి అందరి దృష్టిని ఆకర్షించారు. మొత్తంమీద, తన ప్రత్యేక గుర్తింపుతో న్యూయార్క్ నగరానికి మేయర్గా ఎదిగిన జోహ్రాన్ ప్రస్థానం ప్రపంచవ్యాప్తంగా వలస ప్రజలకు ఆదర్శంగా నిలుస్తోంది.
జోహ్రాన్ మమ్దానీ నేపథ్యం ఎంతో ఆసక్తికరమైనది. ఆయన తల్లిదండ్రులిద్దరూ భారతీయ మూలాలున్నవారే. ఆయన తండ్రి మహమూద్ మమ్దానీ ముంబైలో జన్మించారు, ప్రస్తుతం న్యూయార్క్లోని కొలంబియా యూనివర్సిటీలో ప్రొఫెసర్గా పనిచేస్తున్నారు. ఆయన తల్లి ప్రముఖ అంతర్జాతీయ సినిమా దర్శకురాలు మీరా నాయర్. జోహ్రాన్ ఉగాండాలో జన్మించారు. ఐదేళ్ల వయసులో దక్షిణాఫ్రికాకు, ఏడేళ్ల వయసులో కుటుంబంతో కలిసి న్యూయార్క్కు వలస వచ్చారు. 2018లో అమెరికా పౌరసత్వం పొందినప్పటికీ, ఆయన ఉగాండా పౌరసత్వాన్ని కూడా కొనసాగిస్తున్నారు.
పేరు వెనుక పెద్ద కథ
జోహ్రాన్ క్వామే మమ్దానీ అనే తన పూర్తి పేరులో ఆయన బహుళ సాంస్కృతిక వారసత్వం, స్ఫూర్తి కనిపిస్తాయి. అల్ జజీరా కథనం ప్రకారం, ఆయన పేరులోని ప్రతి భాగానికి ఒక ప్రత్యేక అర్థం ఉంది.
మమ్దానీ (Mamdani): ఇది గుజరాతీ ఖోజా ముస్లింలలో సాధారణంగా ఉండే ఇంటిపేరు. మహమ్మద్ ప్రవక్త అనుచరులు అని దీనికి అర్థం వస్తుంది.
జోహ్రాన్ (Zohran): అరబిక్, పర్షియన్ మూలాలున్న ఈ పదానికి 'కాంతి', 'వెలుగు', 'వికసించడం' వంటి అర్థాలున్నాయి.
క్వామే (Kwame): ఈ పేరు వెనుక ఒక బలమైన స్ఫూర్తి ఉంది. ఇది పశ్చిమాఫ్రికాలోని ఘనా దేశానికి చెందిన అకాన్ ప్రజల సాంప్రదాయక పేరు. దీనికి 'శనివారం పుట్టినవాడు' అని అర్థం. అంతేకాదు, 'జ్ఞానం', 'నాయకత్వం' అని కూడా సూచిస్తుంది. ఘనా స్వాతంత్ర్య సమరయోధుడు, ఆ దేశ తొలి అధ్యక్షుడు క్వామే ఎన్క్రుమాకు గుర్తుగా ఆయన తండ్రి ఈ పేరు పెట్టారు.
మరోవైపు... అద్దెలు పెంచబోమని, ఉచిత బస్సు సర్వీసులు, అందరికీ వైద్యం వంటి హామీలతో ప్రచారం చేసి యువ ఓటర్లను జోహ్రాన్ విశేషంగా ఆకట్టుకున్నారు. ఎన్నికల ప్రచారంలో భాగంగా ఒక చర్చలో, ప్రత్యర్థి ఆయన పేరును తప్పుగా పలికినప్పుడు, "నా పేరు మమ్దానీ... దాన్ని సరిగ్గా పలకడం నేర్చుకోండి" అని ధైర్యంగా చెప్పి అందరి దృష్టిని ఆకర్షించారు. మొత్తంమీద, తన ప్రత్యేక గుర్తింపుతో న్యూయార్క్ నగరానికి మేయర్గా ఎదిగిన జోహ్రాన్ ప్రస్థానం ప్రపంచవ్యాప్తంగా వలస ప్రజలకు ఆదర్శంగా నిలుస్తోంది.
