Gautam Adani: ఇది కోట్ల మంది అమ్మాయిల కల.. భారత జట్టు విజయంపై గౌతమ్ అదానీ ప్రశంసలు
- తొలిసారి మహిళల క్రికెట్ ప్రపంచకప్ను గెలుచుకున్న భారత జట్టు
- టీమిండియా విజయంపై పారిశ్రామికవేత్త గౌతమ్ అదానీ హర్షం
- ఇది స్ఫూర్తికి.. లక్షలాది అమ్మాయిల కలలకు దక్కిన విజయమన్న అదానీ
భారత మహిళల క్రికెట్ జట్టు సరికొత్త చరిత్ర సృష్టించింది. దశాబ్దాల నిరీక్షణకు తెరదించుతూ తొలిసారి ఐసీసీ మహిళల క్రికెట్ ప్రపంచకప్ను ముద్దాడింది. నవీ ముంబైలోని డీవై పాటిల్ స్టేడియంలో జరిగిన ఉత్కంఠభరిత ఫైనల్ మ్యాచ్లో దక్షిణాఫ్రికా జట్టుపై 52 పరుగుల తేడాతో ఘన విజయం సాధించింది. కెప్టెన్ హర్మన్ప్రీత్ కౌర్ నేతృత్వంలోని టీమిండియా, కిక్కిరిసిన సొంతగడ్డ అభిమానుల సమక్షంలో ట్రోఫీని అందుకుని సంబరాల్లో మునిగిపోయింది.
ఈ చారిత్రక విజయంపై అదానీ గ్రూప్ ఛైర్మన్ గౌతమ్ అదానీ స్పందిస్తూ భారత జట్టుకు అభినందనలు తెలిపారు. ఇది కేవలం క్రికెట్లో సాధించిన విజయం కాదని, ఇది స్ఫూర్తికి, లక్షలాది మంది అమ్మాయిల కలలకు దక్కిన గెలుపని ఆయన 'ఎక్స్' (ట్విట్టర్) వేదికగా కొనియాడారు. "భారత్కు, ఆమె కుమార్తెలకు అద్భుతమైన విజయం! ఇది కేవలం క్రికెట్ విజయం కాదు. ఇది స్ఫూర్తి, ప్రతిభ, కలలు కనే ప్రతి అమ్మాయి విజయం" అని ఆయన తన పోస్టులో పేర్కొన్నారు.
దీంతో పాటు జట్టు పోరాట స్ఫూర్తిని ప్రశంసిస్తూ దేశభక్తితో కూడిన ఓ కవితను కూడా ఆయన పంచుకున్నారు. "హర్ గేంద్ పే జోష్, హర్ షాట్ మే జాన్, యహ్ హై హమారీ టీమ్ ఇండియా (ప్రతి బంతిలో ఉత్సాహం, ప్రతి షాట్లో ప్రాణం.. ఇదే మా టీమిండియా). భయంలేని, ధైర్యవంతులైన మన భారత జట్టును చూసి గర్విస్తున్నాను" అంటూ ట్వీట్ చేశారు.
ఈ విజయం కెప్టెన్ హర్మన్ప్రీత్ కౌర్కు ఎంతో ప్రత్యేకం. 2009లో అంతర్జాతీయ అరంగేట్రం చేసిన ఆమెకు ఇది ఐదో ప్రపంచకప్ కావడం గమనార్హం. సుదీర్ఘకాలంగా ఎదురుచూస్తున్న ప్రపంచకప్ కల ఆమె కెప్టెన్సీలోనే నెరవేరింది. మ్యాచ్ అనంతరం దాదాపు 40,000 మంది అభిమానులతో నిండిన స్టేడియంలో సంబరాలు అంబరాన్నంటాయి. భారత క్రికెట్ దిగ్గజాలు సైతం మైదానంలోకి వచ్చి ప్రస్తుత జట్టుతో కలిసి ఈ చారిత్రక ఆనందాన్ని పంచుకున్నారు.
ఈ చారిత్రక విజయంపై అదానీ గ్రూప్ ఛైర్మన్ గౌతమ్ అదానీ స్పందిస్తూ భారత జట్టుకు అభినందనలు తెలిపారు. ఇది కేవలం క్రికెట్లో సాధించిన విజయం కాదని, ఇది స్ఫూర్తికి, లక్షలాది మంది అమ్మాయిల కలలకు దక్కిన గెలుపని ఆయన 'ఎక్స్' (ట్విట్టర్) వేదికగా కొనియాడారు. "భారత్కు, ఆమె కుమార్తెలకు అద్భుతమైన విజయం! ఇది కేవలం క్రికెట్ విజయం కాదు. ఇది స్ఫూర్తి, ప్రతిభ, కలలు కనే ప్రతి అమ్మాయి విజయం" అని ఆయన తన పోస్టులో పేర్కొన్నారు.
దీంతో పాటు జట్టు పోరాట స్ఫూర్తిని ప్రశంసిస్తూ దేశభక్తితో కూడిన ఓ కవితను కూడా ఆయన పంచుకున్నారు. "హర్ గేంద్ పే జోష్, హర్ షాట్ మే జాన్, యహ్ హై హమారీ టీమ్ ఇండియా (ప్రతి బంతిలో ఉత్సాహం, ప్రతి షాట్లో ప్రాణం.. ఇదే మా టీమిండియా). భయంలేని, ధైర్యవంతులైన మన భారత జట్టును చూసి గర్విస్తున్నాను" అంటూ ట్వీట్ చేశారు.
ఈ విజయం కెప్టెన్ హర్మన్ప్రీత్ కౌర్కు ఎంతో ప్రత్యేకం. 2009లో అంతర్జాతీయ అరంగేట్రం చేసిన ఆమెకు ఇది ఐదో ప్రపంచకప్ కావడం గమనార్హం. సుదీర్ఘకాలంగా ఎదురుచూస్తున్న ప్రపంచకప్ కల ఆమె కెప్టెన్సీలోనే నెరవేరింది. మ్యాచ్ అనంతరం దాదాపు 40,000 మంది అభిమానులతో నిండిన స్టేడియంలో సంబరాలు అంబరాన్నంటాయి. భారత క్రికెట్ దిగ్గజాలు సైతం మైదానంలోకి వచ్చి ప్రస్తుత జట్టుతో కలిసి ఈ చారిత్రక ఆనందాన్ని పంచుకున్నారు.
