తండ్రి కాబోతున్న రానా దగ్గుబాటి? .. జోరుగా ప్రచారం
- తండ్రి కాబోతున్నట్లు రానా దగ్గుబాటిపై ప్రచారం
- ఆయన సతీమణి మిహిక గర్భవతి అంటూ వార్తలు
- గతంలో వచ్చిన వార్తలను ఖండించిన జంట
గతంలో కూడా మిహిక గర్భవతి అంటూ వార్తలు వచ్చాయి. అయితే, అప్పుడు ఆ ప్రచారాన్ని రానా దంపతులు ఖండించారు. కానీ ఇప్పుడు మరోసారి ఈ వార్త తెరపైకి రావడంతో అభిమానుల్లో ఆసక్తి నెలకొంది. ఈసారి ఈ వార్త నిజమేనని, ఓ మంచి రోజు చూసుకుని అధికారికంగా ప్రకటించాలని వారు భావిస్తున్నట్లు సమాచారం.
ఈ వార్తలో నిజమెంతో తెలియకపోయినా, ఇది సోషల్ మీడియాలో దావానలంలా వ్యాపించింది. రానా అభిమానులు అప్పుడే శుభాకాంక్షలు తెలుపుతూ పోస్టులు పెడుతున్నారు. తమ అభిమాన హీరో తండ్రి కాబోతున్నాడన్న వార్తతో ఆనందం వ్యక్తం చేస్తున్నారు.
అయితే, ఈ ప్రచారంపై రానా గానీ, ఆయన కుటుంబ సభ్యులు గానీ ఇంతవరకు స్పందించలేదు. వారు అధికారికంగా ప్రకటన చేస్తేనే ఈ వార్తలో ఎంత నిజముందో స్పష్టత వస్తుంది. అప్పటివరకు వేచి చూడాల్సిందే.
