Baji Baba Shahik: విశాఖలో విషాదం... తుపాకీతో కాల్చుకుని జవాన్ ఆత్మహత్య
- సర్వీస్ రైఫిల్తో కాల్చుకుని డీఎస్సీ జవాన్ ఆత్మహత్య
- మృతుడు బాపట్ల జిల్లాకు చెందిన బాజీ బాబా షాహిక్
- సహోద్యోగుల కళ్లెదుటే ఈ ఘోర ఘటన
- ఆత్మహత్యకు కారణాలపై పోలీసుల దర్యాప్తు
- కుటుంబ, వ్యక్తిగత సమస్యల కోణంలో విచారణ
నగరంలోని అత్యంత కీలకమైన భీమిలి నౌకాదళ కేంద్రం (ఐఎన్ఎస్ కళింగ) ప్రాంగణంలో తీవ్ర కలకలం రేగింది. విధుల్లో ఉన్న ఓ డిఫెన్స్ సెక్యూరిటీ కోర్ (డీఎస్సీ) జవాన్, తన సర్వీస్ తుపాకీతో కాల్చుకుని బలవన్మరణానికి పాల్పడ్డారు. ఈ ఘటనతో క్యాంపస్లో విషాదఛాయలు అలుముకున్నాయి.
పోలీసులు తెలిపిన వివరాల ప్రకారం, బాపట్ల జిల్లాకు చెందిన బాజీ బాబా షాహిక్ (44) డీఎస్సీ సిపాయిగా ఐఎన్ఎస్ కళింగలో విధులు నిర్వర్తిస్తున్నారు. శనివారం ఉదయం డ్యూటీలో ఉండగా, తన వద్ద ఉన్న ఏకే-47 సర్వీస్ రైఫిల్తో అకస్మాత్తుగా కాల్చుకున్నారు. ఆయనతో పాటు విధుల్లో ఉన్న తోటి సిబ్బంది, సహోద్యోగులు ఈ ఘటనతో ఒక్కసారిగా ఉలిక్కిపడ్డారు.
కళ్లెదుటే జరిగిన ఈ ఊహించని పరిణామంతో వారు తీవ్ర దిగ్భ్రాంతికి గురయ్యారు. వెంటనే అప్రమత్తమై, తీవ్రంగా గాయపడిన షాహిక్ను చికిత్స నిమిత్తం హుటాహుటిన సమీప ఆసుపత్రికి తరలించారు. అయితే, అప్పటికే ఆయన మృతి చెందినట్లు వైద్యులు ధృవీకరించారు.
ఈ ఘటనపై భీమిలి పోలీసులు కేసు నమోదు చేసి దర్యాప్తు ప్రారంభించారు. షాహిక్ ఆత్మహత్యకు దారితీసిన కారణాలపై ఆరా తీస్తున్నారు. కుటుంబ సమస్యలు, వ్యక్తిగత కారణాలు లేదా మానసిక ఒత్తిడి ఏమైనా ఉందా అనే కోణంలో విచారణ జరుపుతున్నారు. ఇందులో భాగంగా ఆయన కుటుంబ సభ్యులతో మాట్లాడి, సహోద్యోగుల నుంచి వివరాలు సేకరిస్తున్నారు. పూర్తి విచారణ తర్వాతే ఆత్మహత్యకు గల కచ్చితమైన కారణాలు తెలుస్తాయని అధికారులు వెల్లడించారు.
పోలీసులు తెలిపిన వివరాల ప్రకారం, బాపట్ల జిల్లాకు చెందిన బాజీ బాబా షాహిక్ (44) డీఎస్సీ సిపాయిగా ఐఎన్ఎస్ కళింగలో విధులు నిర్వర్తిస్తున్నారు. శనివారం ఉదయం డ్యూటీలో ఉండగా, తన వద్ద ఉన్న ఏకే-47 సర్వీస్ రైఫిల్తో అకస్మాత్తుగా కాల్చుకున్నారు. ఆయనతో పాటు విధుల్లో ఉన్న తోటి సిబ్బంది, సహోద్యోగులు ఈ ఘటనతో ఒక్కసారిగా ఉలిక్కిపడ్డారు.
కళ్లెదుటే జరిగిన ఈ ఊహించని పరిణామంతో వారు తీవ్ర దిగ్భ్రాంతికి గురయ్యారు. వెంటనే అప్రమత్తమై, తీవ్రంగా గాయపడిన షాహిక్ను చికిత్స నిమిత్తం హుటాహుటిన సమీప ఆసుపత్రికి తరలించారు. అయితే, అప్పటికే ఆయన మృతి చెందినట్లు వైద్యులు ధృవీకరించారు.
ఈ ఘటనపై భీమిలి పోలీసులు కేసు నమోదు చేసి దర్యాప్తు ప్రారంభించారు. షాహిక్ ఆత్మహత్యకు దారితీసిన కారణాలపై ఆరా తీస్తున్నారు. కుటుంబ సమస్యలు, వ్యక్తిగత కారణాలు లేదా మానసిక ఒత్తిడి ఏమైనా ఉందా అనే కోణంలో విచారణ జరుపుతున్నారు. ఇందులో భాగంగా ఆయన కుటుంబ సభ్యులతో మాట్లాడి, సహోద్యోగుల నుంచి వివరాలు సేకరిస్తున్నారు. పూర్తి విచారణ తర్వాతే ఆత్మహత్యకు గల కచ్చితమైన కారణాలు తెలుస్తాయని అధికారులు వెల్లడించారు.
