Roshni Nadar Malhotra: టాప్-3లోకి తొలి మహిళ.. భారత కుబేరుల జాబితాలో రోష్ని నాడార్ సంచలనం!
- హురున్ ఇండియా 2025 సంపన్నుల జాబితా విడుదల
- దేశంలో అత్యంత ధనిక మహిళగా హెచ్సీఎల్ ఛైర్పర్సన్ రోష్ని నాడార్
- మొదటి స్థానంలో ముకేశ్ అంబానీ, రెండో స్థానంలో గౌతమ్ అదానీ
- మొత్తం 100 మంది మహిళా సంపన్నులకు లిస్ట్లో చోటు
భారతీయ వ్యాపార రంగంలో ఓ కొత్త చరిత్ర ఆవిష్కృతమైంది. దేశంలోని అత్యంత సంపన్నుల జాబితాలో హెచ్సీఎల్ టెక్నాలజీస్ ఛైర్పర్సన్ రోష్ని నాడార్ మల్హోత్రా మూడో స్థానంలో నిలిచి సంచలనం సృష్టించారు. ఎం3ఎం హురున్ ఇండియా రిచ్-2025 జాబితాలో ఈ ఘనత సాధించడం ద్వారా, టాప్-3లోకి అడుగుపెట్టిన తొలి మహిళగా ఆమె రికార్డు సృష్టించారు. దేశంలో అత్యంత సంపన్న మహిళగా కూడా ఆమె తన స్థానాన్ని పదిలం చేసుకున్నారు.
బుధవారం విడుదలైన ఈ జాబితా ప్రకారం, రోష్ని నాడార్, ఆమె కుటుంబం సంపద విలువ రూ. 2.84 లక్షల కోట్లుగా ఉంది. కేవలం 44 ఏళ్ల వయసులోనే ఈ ఘనత సాధించిన ఆమె, టాప్-10లో ఉన్న అత్యంత పిన్న వయస్కురాలిగానూ నిలిచారు. వ్యాపార దక్షతతో హెచ్సీఎల్ సంస్థను అంతర్జాతీయంగా విస్తరింపజేయడమే కాకుండా, శివ్ నాడార్ ఫౌండేషన్ ద్వారా విద్య, సామాజిక సేవా కార్యక్రమాలలోనూ ఆమె చురుగ్గా పాల్గొంటున్నారు.
టాప్లో ముకేశ్ అంబానీ, గౌతమ్ అదానీ
ఎప్పటిలాగే, ఈ జాబితాలో రిలయన్స్ ఇండస్ట్రీస్ అధినేత ముకేశ్ అంబానీ మొదటి స్థానంలో కొనసాగుతున్నారు. ఆయన సంపద 6 శాతం మేర తగ్గినా, రూ. 9.55 లక్షల కోట్లతో అగ్రస్థానంలో నిలిచారు. అదానీ గ్రూప్ ఛైర్మన్ గౌతమ్ అదానీ, ఆయన కుటుంబం రూ. 8.15 లక్షల కోట్ల సంపదతో రెండో స్థానంలో ఉన్నారు.
మొత్తం 100 మంది మహిళా సంపన్నులకు జాబితాలో చోటు
ఈ ఏడాది జాబితాలో మహిళల ప్రాతినిధ్యం గణనీయంగా పెరిగింది. మొత్తం 100 మంది మహిళా సంపన్నులకు ఇందులో చోటు దక్కగా, నైకా వ్యవస్థాపకురాలు ఫల్గుణి నాయర్, బయోకాన్ అధినేత్రి కిరణ్ మజుందార్ షా వంటి ప్రముఖులు కూడా ఉన్నారు. ఇది దేశంలో సంపద సృష్టిలో మహిళల కీలక పాత్రను స్పష్టం చేస్తోందని హురున్ నివేదిక పేర్కొంది.
జాబితాలో చోటు దక్కించుకున్న 31 ఏళ్ల యువ పారిశ్రామికవేత్త
మరో ఆసక్తికరమైన అంశం ఏమిటంటే, చెన్నైకి చెందిన పెర్ప్లెక్సిటీ (Perplexity) వ్యవస్థాపకుడు అరవింద్ శ్రీనివాస్ (31) ఈ జాబితాలో చోటు దక్కించుకున్న అత్యంత పిన్న వయస్కుడిగా నిలిచారు. ఆయన సంపద విలువ రూ. 21,190 కోట్లుగా ఉంది. దేశంలో రూ. 1000 కోట్లకు పైగా సంపద కలిగిన వారి సంఖ్య 1,687కి చేరినట్లు ఈ నివేదిక వెల్లడించింది.
బుధవారం విడుదలైన ఈ జాబితా ప్రకారం, రోష్ని నాడార్, ఆమె కుటుంబం సంపద విలువ రూ. 2.84 లక్షల కోట్లుగా ఉంది. కేవలం 44 ఏళ్ల వయసులోనే ఈ ఘనత సాధించిన ఆమె, టాప్-10లో ఉన్న అత్యంత పిన్న వయస్కురాలిగానూ నిలిచారు. వ్యాపార దక్షతతో హెచ్సీఎల్ సంస్థను అంతర్జాతీయంగా విస్తరింపజేయడమే కాకుండా, శివ్ నాడార్ ఫౌండేషన్ ద్వారా విద్య, సామాజిక సేవా కార్యక్రమాలలోనూ ఆమె చురుగ్గా పాల్గొంటున్నారు.
టాప్లో ముకేశ్ అంబానీ, గౌతమ్ అదానీ
ఎప్పటిలాగే, ఈ జాబితాలో రిలయన్స్ ఇండస్ట్రీస్ అధినేత ముకేశ్ అంబానీ మొదటి స్థానంలో కొనసాగుతున్నారు. ఆయన సంపద 6 శాతం మేర తగ్గినా, రూ. 9.55 లక్షల కోట్లతో అగ్రస్థానంలో నిలిచారు. అదానీ గ్రూప్ ఛైర్మన్ గౌతమ్ అదానీ, ఆయన కుటుంబం రూ. 8.15 లక్షల కోట్ల సంపదతో రెండో స్థానంలో ఉన్నారు.
మొత్తం 100 మంది మహిళా సంపన్నులకు జాబితాలో చోటు
ఈ ఏడాది జాబితాలో మహిళల ప్రాతినిధ్యం గణనీయంగా పెరిగింది. మొత్తం 100 మంది మహిళా సంపన్నులకు ఇందులో చోటు దక్కగా, నైకా వ్యవస్థాపకురాలు ఫల్గుణి నాయర్, బయోకాన్ అధినేత్రి కిరణ్ మజుందార్ షా వంటి ప్రముఖులు కూడా ఉన్నారు. ఇది దేశంలో సంపద సృష్టిలో మహిళల కీలక పాత్రను స్పష్టం చేస్తోందని హురున్ నివేదిక పేర్కొంది.
జాబితాలో చోటు దక్కించుకున్న 31 ఏళ్ల యువ పారిశ్రామికవేత్త
మరో ఆసక్తికరమైన అంశం ఏమిటంటే, చెన్నైకి చెందిన పెర్ప్లెక్సిటీ (Perplexity) వ్యవస్థాపకుడు అరవింద్ శ్రీనివాస్ (31) ఈ జాబితాలో చోటు దక్కించుకున్న అత్యంత పిన్న వయస్కుడిగా నిలిచారు. ఆయన సంపద విలువ రూ. 21,190 కోట్లుగా ఉంది. దేశంలో రూ. 1000 కోట్లకు పైగా సంపద కలిగిన వారి సంఖ్య 1,687కి చేరినట్లు ఈ నివేదిక వెల్లడించింది.
