ఢిల్లీ ఫేక్ బాబా గదిలో అశ్లీల చిత్రాల సీడీలు, శృంగార బొమ్మలు
- ఢిల్లీ బాబా కేసు దర్యాప్తులో సంచలన విషయాలు వెల్లడి
- మోదీ, ఒబామా, బ్రిటన్ నేతలతో దిగినట్లు నకిలీ ఫొటోలు లభ్యం
- లైంగిక వేధింపుల ఆరోపణలు ఎదుర్కొంటున్న నకిలీ బాబా
ఢిల్లీలోని ఒక కళాశాల నిర్వహణ కమిటీలో సభ్యుడిగా ఉన్న ఢిల్లీ బాబా అక్కడి విద్యార్థుల నుండి లైంగిక వేధింపుల ఆరోపణలు ఎదుర్కొంటున్నాడు. అతనిపై పోలీసులు కేసు నమోదు చేశారు. కొన్ని రోజులు తప్పించుకుని తిరిగిన అతనిని పోలీసులు ఆగ్రాలో అరెస్టు చేశారు. అతని ఫోన్ డేటాను విశ్లేషిస్తున్నారు. మహిళా సిబ్బంది ఫొటోలు తీయడం, విద్యార్థినులతో అసభ్యంగా చాటింగ్ చేయడం, వారి కదలికలను సీసీ కెమెరాల ద్వారా పర్యవేక్షించడం వంటి చర్యలకు పాల్పడినట్లు గుర్తించారు.
