YS Viveka: వైఎస్ వివేకా హత్యపై పవన్ కల్యాణ్ వ్యాఖ్యలు
- వివేకా హత్య కేసుపై అసెంబ్లీలో పవన్ సంచలన వ్యాఖ్యలు
- అందరికీ తెలిసినా ఆ కేసులో న్యాయం జరగలేదని వ్యాఖ్య
- పర్యావరణ పరిరక్షణ ప్రభుత్వ ప్రథమ ప్రాధాన్యత అని స్పష్టం
- కాలుష్యంపై అసెంబ్లీలో విస్తృత స్థాయి చర్చ జరగాలని పిలుపు
- ఎమ్మెల్యేలు లేవనెత్తిన సమస్యలపై క్షేత్రస్థాయిలో పరిశీలిస్తానని హామీ
- ప్రజల్లో మార్పు వస్తేనే ప్లాస్టిక్ నియంత్రణ సాధ్యమన్న పవన్
ఆంధ్రప్రదేశ్ శాసనసభలో ఉప ముఖ్యమంత్రి పవన్ కళ్యాణ్ మాజీ మంత్రి వైఎస్ వివేకానంద రెడ్డి హత్య కేసుపై సంచలన వ్యాఖ్యలు చేశారు. శుక్రవారం అసెంబ్లీ సమావేశాల్లో పర్యావరణ సమస్యలపై చర్చిస్తున్న సందర్భంగా ఆయన ఈ అంశాన్ని ప్రస్తావించారు. "వివేకానంద గారిది హత్య అని మనందరికీ కళ్ల ముందు తెలుసు, కానీ ఆ కేసులో మనం ఇంకా ఏమీ చేయలేకపోతున్నాం," అంటూ కీలక వ్యాఖ్యలు చేశారు.
పర్యావరణ కాలుష్యంపై ఓ శాసనసభ్యుడు లేవనెత్తిన ప్రశ్నకు పవన్ కళ్యాణ్ సమాధానమిచ్చారు. పర్యావరణ పరిరక్షణను తమ ప్రభుత్వం ప్రప్రథమ బాధ్యతగా స్వీకరించిందని ఆయన స్పష్టం చేశారు. అయితే, నిధుల కొరత ఉన్నప్పటికీ, దీనిని ఒక ఎమోషనల్ కమిట్మెంట్గా తీసుకుని పనిచేస్తామని సభకు హామీ ఇచ్చారు. ప్లాస్టిక్ వాడకం వంటి సమస్యలకు కేవలం ప్రభుత్వం మాత్రమే పరిష్కారం చూపలేదని, ప్రజల్లో కూడా పూర్తిస్థాయిలో అవగాహన, మార్పు రావాలని ఆయన అభిప్రాయపడ్డారు. "ప్రజలు ప్లాస్టిక్ వాడి పడేస్తుంటే, ముఖ్యమంత్రి చంద్రబాబు గారు గానీ, మేము గానీ వెళ్లి ప్రతీచోట శుభ్రం చేయలేం కదా," అని అన్నారు.
రాష్ట్రంలో పర్యావరణ కాలుష్యం తీవ్రమైన సమస్యగా మారిందని, భవిష్యత్తులో ప్రజలు మాస్కులు పెట్టుకుని తిరగాల్సిన దుస్థితి రాకూడదని పవన్ ఆవేదన వ్యక్తం చేశారు. ఆక్వా పరిశ్రమ వల్ల కలిగే కాలుష్యం వంటి అనేక సమస్యలు రాష్ట్రంలో ఉన్నాయని, వాటన్నింటిపై ఒక సమగ్రమైన విధానంతో ముందుకెళ్లాల్సిన అవసరం ఉందని తెలిపారు. పారిశ్రామికవేత్తలను భయపెట్టకుండా, వారితో చర్చించి పరిష్కార మార్గాలు కనుగొంటామని చెప్పారు.
ఈ సందర్భంగా, కాలుష్యంపై చర్చించేందుకు అసెంబ్లీలో ఒక రోజంతా ప్రత్యేకంగా కేటాయించాలని ఆయన సభను కోరారు. సభ్యులు లేవనెత్తిన కాలుష్య సమస్యలు ఉన్న ప్రాంతాలను తాను స్వయంగా పర్యటించి, క్షేత్రస్థాయిలో పరిశీలించి సభకు ఒక నివేదిక అందజేస్తానని పవన్ కళ్యాణ్ హామీ ఇచ్చారు. రాష్ట్రంలోని ఐదు కోట్ల ప్రజల్లో పర్యావరణంపై బాధ్యతను పెంచేందుకు సమిష్టిగా కృషి చేద్దామని ఆయన పిలుపునిచ్చారు.
పర్యావరణ కాలుష్యంపై ఓ శాసనసభ్యుడు లేవనెత్తిన ప్రశ్నకు పవన్ కళ్యాణ్ సమాధానమిచ్చారు. పర్యావరణ పరిరక్షణను తమ ప్రభుత్వం ప్రప్రథమ బాధ్యతగా స్వీకరించిందని ఆయన స్పష్టం చేశారు. అయితే, నిధుల కొరత ఉన్నప్పటికీ, దీనిని ఒక ఎమోషనల్ కమిట్మెంట్గా తీసుకుని పనిచేస్తామని సభకు హామీ ఇచ్చారు. ప్లాస్టిక్ వాడకం వంటి సమస్యలకు కేవలం ప్రభుత్వం మాత్రమే పరిష్కారం చూపలేదని, ప్రజల్లో కూడా పూర్తిస్థాయిలో అవగాహన, మార్పు రావాలని ఆయన అభిప్రాయపడ్డారు. "ప్రజలు ప్లాస్టిక్ వాడి పడేస్తుంటే, ముఖ్యమంత్రి చంద్రబాబు గారు గానీ, మేము గానీ వెళ్లి ప్రతీచోట శుభ్రం చేయలేం కదా," అని అన్నారు.
రాష్ట్రంలో పర్యావరణ కాలుష్యం తీవ్రమైన సమస్యగా మారిందని, భవిష్యత్తులో ప్రజలు మాస్కులు పెట్టుకుని తిరగాల్సిన దుస్థితి రాకూడదని పవన్ ఆవేదన వ్యక్తం చేశారు. ఆక్వా పరిశ్రమ వల్ల కలిగే కాలుష్యం వంటి అనేక సమస్యలు రాష్ట్రంలో ఉన్నాయని, వాటన్నింటిపై ఒక సమగ్రమైన విధానంతో ముందుకెళ్లాల్సిన అవసరం ఉందని తెలిపారు. పారిశ్రామికవేత్తలను భయపెట్టకుండా, వారితో చర్చించి పరిష్కార మార్గాలు కనుగొంటామని చెప్పారు.
ఈ సందర్భంగా, కాలుష్యంపై చర్చించేందుకు అసెంబ్లీలో ఒక రోజంతా ప్రత్యేకంగా కేటాయించాలని ఆయన సభను కోరారు. సభ్యులు లేవనెత్తిన కాలుష్య సమస్యలు ఉన్న ప్రాంతాలను తాను స్వయంగా పర్యటించి, క్షేత్రస్థాయిలో పరిశీలించి సభకు ఒక నివేదిక అందజేస్తానని పవన్ కళ్యాణ్ హామీ ఇచ్చారు. రాష్ట్రంలోని ఐదు కోట్ల ప్రజల్లో పర్యావరణంపై బాధ్యతను పెంచేందుకు సమిష్టిగా కృషి చేద్దామని ఆయన పిలుపునిచ్చారు.
