Yang: కొడుకు పుస్తకాలతో చదివి... 20 ఏళ్ల కలను నిజం చేసుకున్న 50 ఏళ్ల తల్లి!
- 50 ఏళ్ల వయసులో లా స్కూల్లో సీటు సాధించిన చైనా మహిళ
- పదేళ్ల క్రితం అగ్నిప్రమాదంలో తీవ్రంగా కాలిపోయిన శరీరం
- కొడుకు పాత పుస్తకాలతో ప్రవేశ పరీక్షకు సన్నద్ధం
- 20 ఏళ్ల నాటి తన మాస్టర్స్ డిగ్రీ కలను నెరవేర్చుకున్న వైనం
- యాంగ్ స్ఫూర్తిని ప్రశంసిస్తున్న సోషల్ మీడియా నెటిజన్లు
వయసు కేవలం ఒక సంఖ్య మాత్రమేనని, పట్టుదల ఉంటే ఎలాంటి అడ్డంకులనైనా అధిగమించవచ్చని చైనాకు చెందిన 50 ఏళ్ల మహిళ నిరూపించారు. పదేళ్ల క్రితం జరిగిన ఘోర అగ్నిప్రమాదంలో ఆమె శరీరం కాలిపోయినా, ఆమెలోని స్ఫూర్తిని మాత్రం ఆర్పలేకపోయింది. తన చిరకాల స్వప్నాన్ని ఇప్పుడు లా స్కూల్లో సీటు సాధించి నిజం చేసుకున్నారు.
సౌత్ చైనా మార్నింగ్ పోస్ట్ కథనం ప్రకారం యాంగ్ అనే ఈ మహిళకు యునాన్ ప్రావిన్స్లోని కున్మింగ్లో ఉన్న సౌత్వెస్ట్ ఫారెస్ట్రీ యూనివర్సిటీ నుంచి జులైలో అడ్మిషన్ లెటర్ అందింది. లా గ్రాడ్యుయేట్ స్కూల్లో చేరిన ఆమె, తన జీవితంలో ఇదొక కొత్త ప్రయాణమని ఆనందం వ్యక్తం చేశారు.
షాంఘైలోని టోంగ్జీ యూనివర్సిటీ నుంచి 1990లలో కెమిస్ట్రీలో పట్టా పొందిన యాంగ్కు మాస్టర్స్ డిగ్రీ చేయాలనేది 20 ఏళ్ల కల. అయితే, 2013లో జరిగిన అగ్నిప్రమాదం ఆమె జీవితాన్ని తలకిందులు చేసింది. ఈ ప్రమాదంలో ఆమె ముఖం, చేతులు తీవ్రంగా కాలిపోయాయి. ఎడమ చేయి పూర్తిగా పనిచేయకుండా పోగా, కుడి చేయి సగం మాత్రమే పనిచేస్తుంది. అప్పటి నుంచి ఆమె మాస్క్ ధరించే బయటకు వస్తున్నారు. ఈ ఘటన తర్వాత తీవ్రమైన డిప్రెషన్, మానసిక ఒత్తిడికి గురై ఉద్యోగానికి కూడా దూరమయ్యారు.
రెండేళ్ల క్రితం తన కొడుకు ఇదే ప్రవేశ పరీక్షలో విఫలమవడంతో, అతడు వదిలేసిన పుస్తకాలను ఆమె చదవడం ప్రారంభించారు. ఆ పుస్తకాల్లోని అంశాలు తనకు అర్థమవుతున్నాయని గ్రహించి, పరీక్షకు సిద్ధమయ్యారు. "ఒకప్పుడు పరీక్షల సమయంలో నేను నా కొడుకును జాగ్రత్తగా చూసుకుంటే, ఇప్పుడు పరీక్ష సమయంలో నన్ను వాడు జాగ్రత్తగా చూసుకున్నాడు. ఈ పాత్రల మార్పిడి నాకు ఎంతో సంతోషాన్నిచ్చింది" అని యాంగ్ తెలిపారు.
పరీక్ష హాలులో తనను మాస్క్ తీయమని అడిగినప్పుడు, కొందరు విద్యార్థులు తన ముఖంపై ఉన్న మచ్చలు చూసి ఆశ్చర్యపోయారని, కానీ అలాంటి స్పందనలు తనకు అలవాటేనని ఆమె అన్నారు. "చాలామందికి రిటైర్మెంట్ అంటే డ్యాన్సులు చేయడం, ప్రయాణాలు చేయడం. కానీ నాకు మాత్రం చదువుకోవడమే రిటైర్మెంట్ జీవితం. ఇది అద్భుతంగా ఉంటుంది" అని యాంగ్ పేర్కొన్నారు. ఆమె ధైర్యాన్ని, పట్టుదలను సోషల్ మీడియాలో నెటిజన్లు ప్రశంసలతో ముంచెత్తుతున్నారు. "జీవితంలో ఏ దశలో ఉన్నా, మీ కలలను ఎప్పటికీ వదులుకోవద్దు," అని ఆమె సందేశమిచ్చారు.
సౌత్ చైనా మార్నింగ్ పోస్ట్ కథనం ప్రకారం యాంగ్ అనే ఈ మహిళకు యునాన్ ప్రావిన్స్లోని కున్మింగ్లో ఉన్న సౌత్వెస్ట్ ఫారెస్ట్రీ యూనివర్సిటీ నుంచి జులైలో అడ్మిషన్ లెటర్ అందింది. లా గ్రాడ్యుయేట్ స్కూల్లో చేరిన ఆమె, తన జీవితంలో ఇదొక కొత్త ప్రయాణమని ఆనందం వ్యక్తం చేశారు.
షాంఘైలోని టోంగ్జీ యూనివర్సిటీ నుంచి 1990లలో కెమిస్ట్రీలో పట్టా పొందిన యాంగ్కు మాస్టర్స్ డిగ్రీ చేయాలనేది 20 ఏళ్ల కల. అయితే, 2013లో జరిగిన అగ్నిప్రమాదం ఆమె జీవితాన్ని తలకిందులు చేసింది. ఈ ప్రమాదంలో ఆమె ముఖం, చేతులు తీవ్రంగా కాలిపోయాయి. ఎడమ చేయి పూర్తిగా పనిచేయకుండా పోగా, కుడి చేయి సగం మాత్రమే పనిచేస్తుంది. అప్పటి నుంచి ఆమె మాస్క్ ధరించే బయటకు వస్తున్నారు. ఈ ఘటన తర్వాత తీవ్రమైన డిప్రెషన్, మానసిక ఒత్తిడికి గురై ఉద్యోగానికి కూడా దూరమయ్యారు.
రెండేళ్ల క్రితం తన కొడుకు ఇదే ప్రవేశ పరీక్షలో విఫలమవడంతో, అతడు వదిలేసిన పుస్తకాలను ఆమె చదవడం ప్రారంభించారు. ఆ పుస్తకాల్లోని అంశాలు తనకు అర్థమవుతున్నాయని గ్రహించి, పరీక్షకు సిద్ధమయ్యారు. "ఒకప్పుడు పరీక్షల సమయంలో నేను నా కొడుకును జాగ్రత్తగా చూసుకుంటే, ఇప్పుడు పరీక్ష సమయంలో నన్ను వాడు జాగ్రత్తగా చూసుకున్నాడు. ఈ పాత్రల మార్పిడి నాకు ఎంతో సంతోషాన్నిచ్చింది" అని యాంగ్ తెలిపారు.
పరీక్ష హాలులో తనను మాస్క్ తీయమని అడిగినప్పుడు, కొందరు విద్యార్థులు తన ముఖంపై ఉన్న మచ్చలు చూసి ఆశ్చర్యపోయారని, కానీ అలాంటి స్పందనలు తనకు అలవాటేనని ఆమె అన్నారు. "చాలామందికి రిటైర్మెంట్ అంటే డ్యాన్సులు చేయడం, ప్రయాణాలు చేయడం. కానీ నాకు మాత్రం చదువుకోవడమే రిటైర్మెంట్ జీవితం. ఇది అద్భుతంగా ఉంటుంది" అని యాంగ్ పేర్కొన్నారు. ఆమె ధైర్యాన్ని, పట్టుదలను సోషల్ మీడియాలో నెటిజన్లు ప్రశంసలతో ముంచెత్తుతున్నారు. "జీవితంలో ఏ దశలో ఉన్నా, మీ కలలను ఎప్పటికీ వదులుకోవద్దు," అని ఆమె సందేశమిచ్చారు.
