Roger Binny: బీసీసీఐ అధ్యక్షుడిగా క్రికెట్ దిగ్గజం?.. తెరపైకి స్టార్ ప్లేయర్ పేరు!
- బీసీసీఐ అధ్యక్ష పదవికి కొత్త వ్యక్తి
- వయోపరిమితి కారణంగా వైదొలగిన రోజర్ బిన్నీ
- ఇంగ్లండ్లో ఇప్పటికే అతడితో కీలక చర్చలు
- ఈ నెలాఖరులో జరగనున్న బీసీసీఐ ఏజీఎంలో ఎన్నిక
- ఈసారి కూడా ఏకగ్రీవ ఎన్నికకే మొగ్గు
భారత క్రికెట్ నియంత్రణ మండలి (బీసీసీఐ) అధ్యక్ష పీఠంపై ఓ క్రికెట్ దిగ్గజం కూర్చోనున్నారా? అంటే అవుననే అంటున్నాయి జాతీయ మీడియా వర్గాలు. సౌరవ్ గంగూలీ తర్వాత మరో దిగ్గజ ఆటగాడికి బోర్డు పగ్గాలు అప్పగించేందుకు రంగం సిద్ధమవుతున్నట్టు తెలుస్తోంది. ప్రస్తుత అధ్యక్షుడు రోజర్ బిన్నీ వయోపరిమితి నిబంధన కారణంగా పదవి నుంచి తప్పుకోవడంతో, ఆయన స్థానంలో ఓ ప్రముఖ మాజీ క్రికెటర్ పేరును తీవ్రంగా పరిశీలిస్తున్నట్టు సమాచారం.
ప్రస్తుత బీసీసీఐ అధ్యక్షుడు, 1983 ప్రపంచకప్ హీరో రోజర్ బిన్నీకి ఇటీవల 70 ఏళ్లు నిండాయి. బోర్డు నిబంధనల ప్రకారం 70 ఏళ్లు దాటిన వారు ఏ పదవిలోనూ కొనసాగడానికి వీల్లేదు. దీంతో ఆయన పదవీకాలం ముగిసింది. ప్రస్తుతం ఉపాధ్యక్షుడిగా ఉన్న రాజీవ్ శుక్లా తాత్కాలిక అధ్యక్షుడిగా బాధ్యతలు నిర్వర్తిస్తున్నారు. ఈ నేపథ్యంలో ఈ నెలాఖరులో జరగనున్న బీసీసీఐ వార్షిక సర్వసభ్య సమావేశంలో (ఏజీఎం) అధ్యక్షుడు, కార్యదర్శి, ఉపాధ్యక్షుడు, కోశాధికారి, ఐపీఎల్ ఛైర్మన్ వంటి కీలక పదవులకు ఎన్నికలు జరగనున్నాయి.
ఇంగ్లండ్లో కీలక భేటీ
జాతీయ మీడియా కథనాల ప్రకారం, ఇటీవల ఇంగ్లండ్లో జరిగిన అండర్సన్-టెండూల్కర్ ట్రోఫీ సందర్భంగా సదరు క్రికెట్ దిగ్గజంతో ఇప్పటికే ప్రాథమిక చర్చలు జరిగాయి. ఓ సీనియర్ రాజకీయ నాయకుడు స్వయంగా ఆయన్ను కలిసి బీసీసీఐ అధ్యక్ష పదవి గురించి చర్చించినట్టు తెలిసింది. అయితే, ఈ ప్రతిపాదనపై ఆ క్రికెటర్ అంగీకరించాడా? లేదా? అనే దానిపై ఇంకా స్పష్టత రాలేదు. క్రీడా సంస్థల నాయకత్వంలో అథ్లెట్లకు ప్రాధాన్యం ఇవ్వాలన్న కేంద్ర ప్రభుత్వ విధానానికి అనుగుణంగానే ఈ పరిణామం చోటుచేసుకుంటున్నట్టు విశ్లేషకులు భావిస్తున్నారు. ప్రస్తుతం భారత ఒలింపిక్ సంఘం అధ్యక్షురాలిగా మాజీ స్ప్రింటర్ పీటీ ఉష కొనసాగుతున్న విషయం తెలిసిందే.
ఏకగ్రీవానికే అవకాశం
గత కొన్నేళ్లుగా బీసీసీఐ ఎన్నికలు పోటీ లేకుండా ఏకగ్రీవంగానే జరుగుతున్నాయి. ఈసారి కూడా అదే సంప్రదాయం కొనసాగే అవకాశం ఉందని బోర్డు వర్గాలు అంటున్నాయి. కీలక వాటాదారులు, రాజకీయ ప్రముఖుల మధ్య ఏకాభిప్రాయంతోనే కొత్త కార్యవర్గాన్ని ఎన్నుకోనున్నారు. ప్రస్తుత సంయుక్త కార్యదర్శి దేవాజిత్ సైకియా, కోశాధికారి ప్రభ్తేజ్ భాటియా తమ పదవుల్లో కొనసాగే సూచనలు కనిపిస్తున్నాయి. మరోవైపు, ఐపీఎల్ ఛైర్మన్ పదవి కోసం రాజీవ్ శుక్లా, సంజయ్ నాయక్ పేర్లు వినిపిస్తున్నాయి. ఒకవేళ శుక్లా ఐపీఎల్ ఛైర్మన్గా వెళ్తే, ఖాళీ అయ్యే ఉపాధ్యక్ష పదవికి బీహార్ క్రికెట్ అసోసియేషన్ అధ్యక్షుడు రాకేశ్ తివారీ పేరు పరిశీలనలో ఉంది.
ప్రస్తుత బీసీసీఐ అధ్యక్షుడు, 1983 ప్రపంచకప్ హీరో రోజర్ బిన్నీకి ఇటీవల 70 ఏళ్లు నిండాయి. బోర్డు నిబంధనల ప్రకారం 70 ఏళ్లు దాటిన వారు ఏ పదవిలోనూ కొనసాగడానికి వీల్లేదు. దీంతో ఆయన పదవీకాలం ముగిసింది. ప్రస్తుతం ఉపాధ్యక్షుడిగా ఉన్న రాజీవ్ శుక్లా తాత్కాలిక అధ్యక్షుడిగా బాధ్యతలు నిర్వర్తిస్తున్నారు. ఈ నేపథ్యంలో ఈ నెలాఖరులో జరగనున్న బీసీసీఐ వార్షిక సర్వసభ్య సమావేశంలో (ఏజీఎం) అధ్యక్షుడు, కార్యదర్శి, ఉపాధ్యక్షుడు, కోశాధికారి, ఐపీఎల్ ఛైర్మన్ వంటి కీలక పదవులకు ఎన్నికలు జరగనున్నాయి.
ఇంగ్లండ్లో కీలక భేటీ
జాతీయ మీడియా కథనాల ప్రకారం, ఇటీవల ఇంగ్లండ్లో జరిగిన అండర్సన్-టెండూల్కర్ ట్రోఫీ సందర్భంగా సదరు క్రికెట్ దిగ్గజంతో ఇప్పటికే ప్రాథమిక చర్చలు జరిగాయి. ఓ సీనియర్ రాజకీయ నాయకుడు స్వయంగా ఆయన్ను కలిసి బీసీసీఐ అధ్యక్ష పదవి గురించి చర్చించినట్టు తెలిసింది. అయితే, ఈ ప్రతిపాదనపై ఆ క్రికెటర్ అంగీకరించాడా? లేదా? అనే దానిపై ఇంకా స్పష్టత రాలేదు. క్రీడా సంస్థల నాయకత్వంలో అథ్లెట్లకు ప్రాధాన్యం ఇవ్వాలన్న కేంద్ర ప్రభుత్వ విధానానికి అనుగుణంగానే ఈ పరిణామం చోటుచేసుకుంటున్నట్టు విశ్లేషకులు భావిస్తున్నారు. ప్రస్తుతం భారత ఒలింపిక్ సంఘం అధ్యక్షురాలిగా మాజీ స్ప్రింటర్ పీటీ ఉష కొనసాగుతున్న విషయం తెలిసిందే.
ఏకగ్రీవానికే అవకాశం
గత కొన్నేళ్లుగా బీసీసీఐ ఎన్నికలు పోటీ లేకుండా ఏకగ్రీవంగానే జరుగుతున్నాయి. ఈసారి కూడా అదే సంప్రదాయం కొనసాగే అవకాశం ఉందని బోర్డు వర్గాలు అంటున్నాయి. కీలక వాటాదారులు, రాజకీయ ప్రముఖుల మధ్య ఏకాభిప్రాయంతోనే కొత్త కార్యవర్గాన్ని ఎన్నుకోనున్నారు. ప్రస్తుత సంయుక్త కార్యదర్శి దేవాజిత్ సైకియా, కోశాధికారి ప్రభ్తేజ్ భాటియా తమ పదవుల్లో కొనసాగే సూచనలు కనిపిస్తున్నాయి. మరోవైపు, ఐపీఎల్ ఛైర్మన్ పదవి కోసం రాజీవ్ శుక్లా, సంజయ్ నాయక్ పేర్లు వినిపిస్తున్నాయి. ఒకవేళ శుక్లా ఐపీఎల్ ఛైర్మన్గా వెళ్తే, ఖాళీ అయ్యే ఉపాధ్యక్ష పదవికి బీహార్ క్రికెట్ అసోసియేషన్ అధ్యక్షుడు రాకేశ్ తివారీ పేరు పరిశీలనలో ఉంది.
