Narendra Modi: మోదీ తల్లిపై అనుచిత వ్యాఖ్యలు.. తీవ్రంగా స్పందించిన ఢిల్లీ ముఖ్యమంత్రి

రాజకీయాల్లోకి తన తల్లిని లాగి అనుచిత వ్యాఖ్యలు చేయడంపై ప్రధానమంత్రి నరేంద్ర మోదీ తీవ్ర భావోద్వేగానికి గురయ్యారు. రాజకీయాలతో ఏమాత్రం సంబంధంలేని తన తల్లిని దూషించడం అత్యంత బాధాకరమని ఆయన ఆవేదన వ్యక్తం చేశారు. ఈ ఘటనపై ఢిల్లీ ముఖ్యమంత్రి రేఖా గుప్తా కూడా తీవ్రంగా స్పందించారు. ఇది యావత్ మహిళా లోకాన్ని అవమానించడమేనని ఆమె మండిపడ్డారు.

ప్రధాని ఆవేదన వ్యక్తం చేసిన గంటల్లోనే, ఢిల్లీ ముఖ్యమంత్రి రేఖా గుప్తా స్పందిస్తూ, "ప్రధానమంత్రి తల్లిపై అనుచిత భాషను ఉపయోగించడం రాజకీయ ప్రమాణాలను దిగజార్చడమే. ఇది మాతృత్వ పవిత్రతను దెబ్బతీస్తుంది. ఇంత జరిగినప్పటికీ, సంబంధిత నేతలు కనీసం క్షమాపణ చెప్పకపోవడం విచారకరం" అని ఆమె వ్యాఖ్యానించారు. ఇది అత్యంత నీచస్థాయి రాజకీయాలకు నిదర్శనమని ఆమె అన్నారు.