SpiceJet: స్పైస్ జెట్ కు జరిమానా... ఎందుకంటే?
- 14 గంటలకు పైగా విమానం ఆలస్యం
- ప్రయాణికుడికి ఒకే బర్గర్, ఫ్రైస్ ఇచ్చి చేతులు దులుపుకున్న స్పైస్జెట్
- వినియోగదారుల ఫోరంలో ప్రయాణికుడి ఫిర్యాదు
- సంస్థ వాదనలను తోసిపుచ్చిన కోర్టు
- సేవా లోపం కింద రూ. 50,000 జరిమానా
- కేసు ఖర్చులకు మరో రూ. 5,000 చెల్లించాలని ఆదేశం
విమానం 14 గంటలకు పైగా ఆలస్యమైతే, ప్రయాణికుడికి కేవలం ఒక బర్గర్, కొన్ని ఫ్రెంచ్ ఫ్రైస్ ఇచ్చి చేతులు దులుపుకున్న స్పైస్జెట్ విమానయాన సంస్థకు వినియోగదారుల ఫోరం గట్టిగా మొట్టికాయలు వేసింది. సేవా లోపం కింద ఆ సంస్థకు రూ. 55,000 జరిమానా విధిస్తూ ముంబై సబర్బన్ జిల్లా వినియోగదారుల ఫోరం సంచలన తీర్పు ఇచ్చింది.
వివరాల్లోకి వెళితే, ఒక ప్రయాణికుడు 2024 జూలై 27న దుబాయ్ నుంచి ముంబైకి స్పైస్జెట్ విమానంలో టికెట్ బుక్ చేసుకున్నారు. అయితే, సాంకేతిక కారణాల వల్ల విమానం ఏకంగా 14 గంటలకు పైగా ఆలస్యమైంది. ఇంత సుదీర్ఘ నిరీక్షణ సమయంలో విమానయాన సంస్థ తనకు కేవలం ఒకే ఒక్క బర్గర్ అందించిందని, ఇది డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ) నిబంధనలకు పూర్తిగా విరుద్ధమని ఆరోపిస్తూ బాధితుడు వినియోగదారుల ఫోరాన్ని ఆశ్రయించారు.
ఈ ఫిర్యాదుపై విచారణ జరిపిన ఫోరం, స్పైస్జెట్ వాదనలను తోసిపుచ్చింది. సాంకేతిక లోపం వంటి కారణాలు చెప్పి ప్రయాణికుల పట్ల తమ బాధ్యత నుంచి విమానయాన సంస్థలు తప్పించుకోలేవని స్పష్టం చేసింది. "14 గంటల ఆలస్యానికి ఒక బర్గర్, ఫ్రైస్ ఇవ్వడం ఏమాత్రం సరిపోని ఏర్పాటు. ఇలాంటి సందర్భాల్లో ప్రయాణికులకు సరైన భోజనం, వసతి కల్పించడం సంస్థ కనీస విధి" అని ఫోరం తన తీర్పులో వ్యాఖ్యానించింది.
సాంకేతిక కారణాలు తమ నియంత్రణలో లేవని, అందుకే పరిహారం వర్తించదని స్పైస్జెట్ వాదించింది. అయితే, తాము అన్ని జాగ్రత్తలు తీసుకున్నామని నిరూపించుకోవడానికి ఫ్లైట్ లాగ్స్, కమ్యూనికేషన్స్ వంటి ఆధారాలను సమర్పించడంలో సంస్థ విఫలమైందని ఫోరం గుర్తించింది.
వాదనలు విన్న అనంతరం, ప్రయాణికుడికి కలిగిన మానసిక వేదన, ఇతర ఖర్చుల కింద రూ. 50,000 పరిహారంగా చెల్లించాలని ఆదేశించింది. దీనికి అదనంగా, కేసు విచారణ ఖర్చుల కింద మరో రూ. 5,000 కూడా బాధితుడికి అందజేయాలని స్పైస్జెట్ను ఆదేశిస్తూ తుది తీర్పు వెలువరించింది.
వివరాల్లోకి వెళితే, ఒక ప్రయాణికుడు 2024 జూలై 27న దుబాయ్ నుంచి ముంబైకి స్పైస్జెట్ విమానంలో టికెట్ బుక్ చేసుకున్నారు. అయితే, సాంకేతిక కారణాల వల్ల విమానం ఏకంగా 14 గంటలకు పైగా ఆలస్యమైంది. ఇంత సుదీర్ఘ నిరీక్షణ సమయంలో విమానయాన సంస్థ తనకు కేవలం ఒకే ఒక్క బర్గర్ అందించిందని, ఇది డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ) నిబంధనలకు పూర్తిగా విరుద్ధమని ఆరోపిస్తూ బాధితుడు వినియోగదారుల ఫోరాన్ని ఆశ్రయించారు.
ఈ ఫిర్యాదుపై విచారణ జరిపిన ఫోరం, స్పైస్జెట్ వాదనలను తోసిపుచ్చింది. సాంకేతిక లోపం వంటి కారణాలు చెప్పి ప్రయాణికుల పట్ల తమ బాధ్యత నుంచి విమానయాన సంస్థలు తప్పించుకోలేవని స్పష్టం చేసింది. "14 గంటల ఆలస్యానికి ఒక బర్గర్, ఫ్రైస్ ఇవ్వడం ఏమాత్రం సరిపోని ఏర్పాటు. ఇలాంటి సందర్భాల్లో ప్రయాణికులకు సరైన భోజనం, వసతి కల్పించడం సంస్థ కనీస విధి" అని ఫోరం తన తీర్పులో వ్యాఖ్యానించింది.
సాంకేతిక కారణాలు తమ నియంత్రణలో లేవని, అందుకే పరిహారం వర్తించదని స్పైస్జెట్ వాదించింది. అయితే, తాము అన్ని జాగ్రత్తలు తీసుకున్నామని నిరూపించుకోవడానికి ఫ్లైట్ లాగ్స్, కమ్యూనికేషన్స్ వంటి ఆధారాలను సమర్పించడంలో సంస్థ విఫలమైందని ఫోరం గుర్తించింది.
వాదనలు విన్న అనంతరం, ప్రయాణికుడికి కలిగిన మానసిక వేదన, ఇతర ఖర్చుల కింద రూ. 50,000 పరిహారంగా చెల్లించాలని ఆదేశించింది. దీనికి అదనంగా, కేసు విచారణ ఖర్చుల కింద మరో రూ. 5,000 కూడా బాధితుడికి అందజేయాలని స్పైస్జెట్ను ఆదేశిస్తూ తుది తీర్పు వెలువరించింది.
