Mohammed Shami: పాత వివాదంపై ఎట్టకేలకు స్పందించిన షమీ
పవిత్ర రంజాన్ మాసంలో మ్యాచ్ ఆడుతూ ఎనర్జీ డ్రింక్ తీసుకున్నందుకు తనపై వచ్చిన సోషల్ మీడియా ట్రోలింగ్పై టీమిండియా సీనియర్ పేసర్ మహ్మద్ షమీ ఎట్టకేలకు మౌనం వీడాడు. దేశం కోసం ఆడుతున్నప్పుడు తన ఆరోగ్యానికి, ప్రదర్శనకు ప్రాధాన్యత ఇవ్వడం తప్పనిసరి అని, ఇస్లాం మత నియమాల్లోనూ ఇలాంటి సందర్భాల్లో మినహాయింపులు ఉన్నాయని స్పష్టం చేశాడు. ఇటీవల ఓ జాతీయ మీడియాకు ఇచ్చిన ఇంటర్వ్యూలో షమీ ఈ విషయాలపై పూర్తిస్థాయిలో వివరణ ఇచ్చాడు.
ఆస్ట్రేలియాతో దుబాయ్లో జరిగిన ఐసీసీ ఛాంపియన్స్ ట్రోఫీ సెమీ-ఫైనల్ మ్యాచ్ సందర్భంగా షమీ ఎనర్జీ డ్రింక్ తాగడం వివాదాస్పదమైంది. దీనిపై కొందరు నెటిజన్లు తీవ్రంగా విమర్శించారు. ఈ విమర్శలపై స్పందించిన షమీ, "మేము 42 నుంచి 45 డిగ్రీల తీవ్రమైన ఉష్ణోగ్రతలో దేశం కోసం ఆడుతున్నాం. ఇలాంటి పరిస్థితుల్లో ఆరోగ్యం చాలా ముఖ్యం. దేశం కోసం సేవ చేస్తున్నప్పుడు లేదా ప్రయాణంలో ఉన్నప్పుడు ఉపవాసం నుంచి మినహాయింపు ఉంటుందని మన మత చట్టాలు చెబుతున్నాయి. ఈ విషయం చాలా మందికి తెలుసు" అని అన్నాడు. తాను దేశం కోసం ఏం చేస్తున్నానో కూడా గమనించాలని సూచించాడు.
రంజాన్ మాసంలో ఉపవాసం ఉండలేని వారు తర్వాత రోజుల్లో దానిని పూర్తి చేయవచ్చని లేదా పేదలకు అన్నదానం చేయడం ద్వారా 'ఫిద్యా' చెల్లించవచ్చని షమీ వివరించాడు. "నేను ఆ మినహాయింపును మాత్రమే వినియోగించుకున్నాను. ఇది చాలా సాధారణ విషయం. అందరూ ఇలాగే చేస్తారు. కానీ కొందరు కేవలం గుర్తింపు కోసం, పాపులారిటీ కోసం ఇలాంటి చిన్న విషయాలను రాద్ధాంతం చేస్తారు" అని విమర్శకులకు చురకలంటించాడు.
సోషల్ మీడియాలో వచ్చే నెగటివ్ కామెంట్ల గురించి మాట్లాడుతూ, తాను ఇప్పుడు వాటిని చదవడం పూర్తిగా మానేశానని షమీ తెలిపాడు. "నేను సోషల్ మీడియా కామెంట్లు చదవను. నా ఖాతాలను నా టీమ్ నిర్వహిస్తుంది. నా దృష్టి అంతా ఆటపైనే ఉంటుంది" అని స్పష్టం చేశాడు. జాతీయ బాధ్యతల ముందు మతపరమైన ఆచారాలకు కొన్ని మినహాయింపులు వర్తిస్తాయని, తన చర్య పూర్తిగా సమర్థనీయమని షమీ తన మాటల ద్వారా తేల్చి చెప్పాడు.
ఆస్ట్రేలియాతో దుబాయ్లో జరిగిన ఐసీసీ ఛాంపియన్స్ ట్రోఫీ సెమీ-ఫైనల్ మ్యాచ్ సందర్భంగా షమీ ఎనర్జీ డ్రింక్ తాగడం వివాదాస్పదమైంది. దీనిపై కొందరు నెటిజన్లు తీవ్రంగా విమర్శించారు. ఈ విమర్శలపై స్పందించిన షమీ, "మేము 42 నుంచి 45 డిగ్రీల తీవ్రమైన ఉష్ణోగ్రతలో దేశం కోసం ఆడుతున్నాం. ఇలాంటి పరిస్థితుల్లో ఆరోగ్యం చాలా ముఖ్యం. దేశం కోసం సేవ చేస్తున్నప్పుడు లేదా ప్రయాణంలో ఉన్నప్పుడు ఉపవాసం నుంచి మినహాయింపు ఉంటుందని మన మత చట్టాలు చెబుతున్నాయి. ఈ విషయం చాలా మందికి తెలుసు" అని అన్నాడు. తాను దేశం కోసం ఏం చేస్తున్నానో కూడా గమనించాలని సూచించాడు.
రంజాన్ మాసంలో ఉపవాసం ఉండలేని వారు తర్వాత రోజుల్లో దానిని పూర్తి చేయవచ్చని లేదా పేదలకు అన్నదానం చేయడం ద్వారా 'ఫిద్యా' చెల్లించవచ్చని షమీ వివరించాడు. "నేను ఆ మినహాయింపును మాత్రమే వినియోగించుకున్నాను. ఇది చాలా సాధారణ విషయం. అందరూ ఇలాగే చేస్తారు. కానీ కొందరు కేవలం గుర్తింపు కోసం, పాపులారిటీ కోసం ఇలాంటి చిన్న విషయాలను రాద్ధాంతం చేస్తారు" అని విమర్శకులకు చురకలంటించాడు.
సోషల్ మీడియాలో వచ్చే నెగటివ్ కామెంట్ల గురించి మాట్లాడుతూ, తాను ఇప్పుడు వాటిని చదవడం పూర్తిగా మానేశానని షమీ తెలిపాడు. "నేను సోషల్ మీడియా కామెంట్లు చదవను. నా ఖాతాలను నా టీమ్ నిర్వహిస్తుంది. నా దృష్టి అంతా ఆటపైనే ఉంటుంది" అని స్పష్టం చేశాడు. జాతీయ బాధ్యతల ముందు మతపరమైన ఆచారాలకు కొన్ని మినహాయింపులు వర్తిస్తాయని, తన చర్య పూర్తిగా సమర్థనీయమని షమీ తన మాటల ద్వారా తేల్చి చెప్పాడు.
