Lady Teacher: అర్ధనగ్నంగా మారి విద్యార్థికి వీడియో కాల్స్... లేడీ టీచర్ నిర్వాకం!

స్టూడెంట్‌తో అసభ్యంగా ప్రవర్తించిన 35 ఏళ్ల మహిళా టీచర్‌ను నవీ ముంబై పోలీసులు అరెస్టు చేశారు. పోలీసుల వివరాల ప్రకారం, ఈ టీచర్ మైనర్ విద్యార్థికి సోషల్ మీడియా ద్వారా అసభ్యకర సందేశాలు పంపింది. తాను అర్ధనగ్నంగా మారి ఆ బాలుడికి వీడియో కాల్స్ చేసింది. గత కొన్ని నెలలుగా ఆమె ఇలాగే ప్రవర్తిస్తుండడంతో, విద్యార్థి మానసికంగా కుంగుబాటుకు గురయ్యాడు. ఎట్టకేలకు ఈ విషయాన్ని తన తల్లిదండ్రులకు తెలియజేశాడు. దాంతో వారు పోలీస్ స్టేషన్‌లో ఫిర్యాదు చేశారు.

పోలీసులు పలు సెక్షన్ల కింద కేసు నమోదు చేసి ఆ లేడీ టీచర్ ను అరెస్టు చేశారు. ఆమె ఫోన్‌ను స్వాధీనం చేసుకుని, సోషల్ మీడియా ఖాతాలను పరిశీలిస్తున్నారు. ఇతర విద్యార్థులతో కూడా ఆమె ఇలాగే అసభ్యంగా ప్రవర్తించేదా అనే కోణంలో దర్యాప్తు చేస్తున్నారు. పాఠశాల యాజమాన్యం ఈ ఘటనపై స్పందిస్తూ, టీచర్‌ను విధుల నుంచి తొలగించినట్లు తెలిపింది.