100వ టెస్టులో వరల్డ్ రికార్డు నమోదు చేసిన స్టార్క్
- వెస్టిండీస్ పై ఆసీస్ ఘన విజయం
- 204 పరుగుల ఛేజింగ్ లో 27 పరుగులకే కుప్పకూలిన విండీస్
- 15 బంతుల్లో 5 వికెట్లు పడగొట్టిన స్టార్క్
- అత్యంత వేగంగా 5 వికెట్లు తీసిన బౌలర్ గా రికార్డ్
ఈ టెస్టులో 204 పరుగుల లక్ష్యఛేదనతో రెండో ఇన్నింగ్స్ ఆరంభించిన వెస్టిండీస్ 27 పరుగులకే కుప్పకూలింది. స్టార్క్ మొత్తం 6 వికెట్లు తీయగా, స్కాట్ బోలాండ్ హ్యాట్రిక్ సాధించడం విశేషం. ఆసీస్ బౌలర్ల ధాటికి విండీస్ ఇన్నింగ్స్ లో ఏడుగురు బ్యాట్స్ మెన్ డకౌట్ అయ్యారు. జస్టిన్ గ్రీవ్స్ చేసిన 11 పరుగులే ఆ జట్టులో అత్యధిక స్కోరు. ఇక ఇదే మ్యాచ్ తో స్టార్క్ టెస్టుల్లో 400 వికెట్ల మైలురాయిని చేరుకున్నాడు. ఈ ఘనత సాధించిన నాలుగో ఆసీస్ బౌలర్ గా నిలిచాడు.
