Jyoti Malhotra: పాకిస్థాన్కు గూఢచర్యం... జ్యోతి మల్హోత్రా సహా రెండు వారాల్లో 12 మంది అరెస్ట్
- యూట్యూబర్ జ్యోతి మల్హోత్రా సహా పలువురు అదుపులోకి
- పంజాబ్, హర్యానా, ఉత్తరప్రదేశ్లలో విస్తరించిన అరెస్టులు
- ఐఎస్ఐకి సైనిక స్థావరాలు, బలగాల కదలికల సమాచారం చేరవేత ఆరోపణ
- పహల్గామ్ దాడితో సంబంధాలపై ఆరా
- నిందితుల ఆర్థిక లావాదేవీలు, ఎలక్ట్రానిక్ పరికరాలపై ఫోరెన్సిక్ విశ్లేషణ
పాకిస్థాన్తో సంబంధాలున్న భారీ గూఢచర్య ముఠా గుట్టును అధికారులు రట్టు చేశారు. రెండు వారాల వ్యవధిలోనే యూట్యూబర్ జ్యోతి మల్హోత్రా సహా మొత్తం 12 మందిని భద్రతా బలగాలు అదుపులోకి తీసుకున్నాయి. పంజాబ్, హర్యానా, ఉత్తరప్రదేశ్ రాష్ట్రాల్లో ఈ అరెస్టులు జరిగాయి. పహల్గామ్ ఉగ్రదాడి, ఆపరేషన్ సిందూర్ వంటి కీలక ఘటనల నేపథ్యంలో ఈ చర్యలు తీసుకోవడం ప్రాధాన్యతను సంతరించుకుంది.
అరెస్టైన నిందితులు పాకిస్థాన్ నిఘా వర్గాలకు అత్యంత సున్నితమైన, కీలకమైన సమాచారాన్ని చేరవేస్తున్నారనేది ప్రధాన ఆరోపణ. ఇప్పటివరకు జరిపిన దర్యాప్తులో ఈ విషయం వెల్లడైందని అధికారులు తెలిపారు. వీరి ఆర్థిక లావాదేవీలపై నిఘా వర్గాలు లోతైన పరిశీలన చేస్తున్నాయి. అంతేకాకుండా, నిందితుల నుంచి స్వాధీనం చేసుకున్న ఎలక్ట్రానిక్ పరికరాలను ఫోరెన్సిక్ విశ్లేషణకు పంపినట్లు సమాచారం.
మే 4వ తేదీన పంజాబ్లోని అజ్నాలా, అమృత్సర్ ప్రాంతాలకు చెందిన ఫలక్షేర్ మసిహ్, సూరజ్ మసిహ్లను పోలీసులు అరెస్టు చేశారు. ఆర్మీ కంటోన్మెంట్ ప్రాంతాలు, వైమానిక స్థావరాల చిత్రాలు, సైనిక బలగాల కదలికలు, బీఎస్ఎఫ్ క్యాంపుల వివరాలు వంటి అత్యంత రహస్య సమాచారాన్ని పాకిస్థాన్ గూఢచార సంస్థ ఐఎస్ఐకి చేరవేస్తున్నారన్నది వీరిపై ఉన్న ఆరోపణ.
అనంతరం, మే 11న పంజాబ్లోని మలేర్కోట్లకు చెందిన గుజాలా అనే యువతితో పాటు యామిన్ మహమ్మద్ను పోలీసులు అదుపులోకి తీసుకున్నారు. వీరికి ఢిల్లీలోని పాకిస్థాన్ హైకమిషన్లో పనిచేసి, ఇటీవల బహిష్కరణకు గురైన ఎహసాన్ ఉర్ రహీం అలియాస్ డానిష్తో సంబంధాలున్నట్లు ఆరోపణలున్నాయి. రహస్య సమాచారం చేరవేసినందుకు బదులుగా వీరు ఆన్లైన్లో డబ్బులు పొందినట్లు పోలీసుల విచారణలో తేలింది.
మే 15న పంజాబ్కు చెందిన సుఖ్ప్రీత్ సింగ్, కరణ్బీర్ సింగ్లను అరెస్టు చేశారు. ఆపరేషన్ సిందూర్కు సంబంధించిన రహస్య సమాచారాన్ని, బలగాల కదలికలను, వ్యూహాత్మక ప్రాంతాల వివరాలను ఐఎస్ఐకి చేరవేసినట్లు ప్రాథమిక ఆధారాలు లభించాయని పంజాబ్ డీజీపీ గౌరవ్ యాదవ్ వెల్లడించారు. అదే రోజు హర్యానాలోని పానిపట్ జిల్లాలో నౌమాన్ ఇలాహి (24) అనే వ్యక్తిని అరెస్టు చేశారు. ఉత్తర్ప్రదేశ్లోని కైరానాకు చెందిన ఇతను ఐఎస్ఐతో సంప్రదింపులు జరిపినట్లు పోలీసులు గుర్తించారు.
హర్యానాలోని కైథల్ జిల్లాకు చెందిన దేవేందర్ సింగ్ను మే 16న అరెస్టు చేశారు. ఆయుధాలతో దిగిన ఫోటోలను సామాజిక మాధ్యమాల్లో పోస్ట్ చేశాడనే ఆరోపణలతో అతడిని అదుపులోకి తీసుకున్నారు. పొలిటికల్ సైన్స్లో మాస్టర్స్ డిగ్రీ చదువుతున్న ఇతను గత ఏడాది పాకిస్థాన్కు వెళ్లాడని, ఆ సమయంలోనే అక్కడి నిఘా వర్గాలతో పరిచయం ఏర్పరచుకుని, నిరంతరం టచ్లో ఉన్నాడని పోలీసులు ఆరోపిస్తున్నారు. పటియాలా కంటోన్మెంట్కు సంబంధించిన కొన్ని చిత్రాలను పంపినట్లు అతను అంగీకరించాడని అధికారులు తెలిపారు.
అదే రోజు, మే 16న, హర్యానాలోని హిసార్కు చెందిన యూట్యూబర్ జ్యోతి మల్హోత్రాను అరెస్టు చేయడం సంచలనం సృష్టించింది. పహల్గామ్ దాడికి ముందు ఆమె పలుమార్లు పాకిస్థాన్లో పర్యటించిందని, ఒకసారి చైనాకు కూడా వెళ్లొచ్చినట్లు పోలీసులు వెల్లడించారు. ‘ఆపరేషన్ సిందూర్’ అనంతరం నెలకొన్న ఉద్రిక్తతల సమయంలో డానిష్తో ఆమె టచ్లో ఉన్నట్లు నిర్ధారించారు. పహల్గామ్ ఘటనకు ముందు అక్కడికి వెళ్లి వీడియోలు చిత్రీకరించి, ఆ సమాచారాన్ని పాక్ ఏజెంట్లకు చేరవేసి ఉండవచ్చని అధికారులు అనుమానిస్తున్నారు.
మే 17న హరియాణాలోని నుహ్ జిల్లాలో అర్మాన్ (26) అనే వ్యక్తిని అరెస్టు చేశారు. పాక్ హైకమిషన్లోని ఓ ఉద్యోగి ద్వారా భారత సైన్యం, ఇతర సైనిక కార్యకలాపాలకు సంబంధించిన సమాచారాన్ని పంచుకున్నందుకు అతడిపై చర్యలు తీసుకున్నట్లు పోలీసులు తెలిపారు. సోమవారం నుహ్ పోలీసులు మరో వ్యక్తిని కూడా అదుపులోకి తీసుకున్నారు.
ఇక, మే 18న సరిహద్దు అక్రమ రవాణా, గూఢచర్యం ఆరోపణలపై షెహజాద్ అనే వ్యక్తిని ఉత్తర్ప్రదేశ్లోని రాంపుర్లో మొరాదాబాద్ యూనిట్ ఎస్టీఎఫ్ అరెస్టు చేసింది. జాతీయ భద్రతకు సంబంధించిన సున్నితమైన సమాచారాన్ని ఐఎస్ఐకు చేరవేస్తున్నాడని, అనేకసార్లు పాక్కు ప్రయాణించి సౌందర్య సాధనాలు, దుస్తులు, సుగంధ ద్రవ్యాలు వంటి వస్తువులను అక్రమంగా రవాణా చేస్తున్నాడని అధికారులు ఆరోపించారు.
అరెస్టైన నిందితులు పాకిస్థాన్ నిఘా వర్గాలకు అత్యంత సున్నితమైన, కీలకమైన సమాచారాన్ని చేరవేస్తున్నారనేది ప్రధాన ఆరోపణ. ఇప్పటివరకు జరిపిన దర్యాప్తులో ఈ విషయం వెల్లడైందని అధికారులు తెలిపారు. వీరి ఆర్థిక లావాదేవీలపై నిఘా వర్గాలు లోతైన పరిశీలన చేస్తున్నాయి. అంతేకాకుండా, నిందితుల నుంచి స్వాధీనం చేసుకున్న ఎలక్ట్రానిక్ పరికరాలను ఫోరెన్సిక్ విశ్లేషణకు పంపినట్లు సమాచారం.
మే 4వ తేదీన పంజాబ్లోని అజ్నాలా, అమృత్సర్ ప్రాంతాలకు చెందిన ఫలక్షేర్ మసిహ్, సూరజ్ మసిహ్లను పోలీసులు అరెస్టు చేశారు. ఆర్మీ కంటోన్మెంట్ ప్రాంతాలు, వైమానిక స్థావరాల చిత్రాలు, సైనిక బలగాల కదలికలు, బీఎస్ఎఫ్ క్యాంపుల వివరాలు వంటి అత్యంత రహస్య సమాచారాన్ని పాకిస్థాన్ గూఢచార సంస్థ ఐఎస్ఐకి చేరవేస్తున్నారన్నది వీరిపై ఉన్న ఆరోపణ.
అనంతరం, మే 11న పంజాబ్లోని మలేర్కోట్లకు చెందిన గుజాలా అనే యువతితో పాటు యామిన్ మహమ్మద్ను పోలీసులు అదుపులోకి తీసుకున్నారు. వీరికి ఢిల్లీలోని పాకిస్థాన్ హైకమిషన్లో పనిచేసి, ఇటీవల బహిష్కరణకు గురైన ఎహసాన్ ఉర్ రహీం అలియాస్ డానిష్తో సంబంధాలున్నట్లు ఆరోపణలున్నాయి. రహస్య సమాచారం చేరవేసినందుకు బదులుగా వీరు ఆన్లైన్లో డబ్బులు పొందినట్లు పోలీసుల విచారణలో తేలింది.
మే 15న పంజాబ్కు చెందిన సుఖ్ప్రీత్ సింగ్, కరణ్బీర్ సింగ్లను అరెస్టు చేశారు. ఆపరేషన్ సిందూర్కు సంబంధించిన రహస్య సమాచారాన్ని, బలగాల కదలికలను, వ్యూహాత్మక ప్రాంతాల వివరాలను ఐఎస్ఐకి చేరవేసినట్లు ప్రాథమిక ఆధారాలు లభించాయని పంజాబ్ డీజీపీ గౌరవ్ యాదవ్ వెల్లడించారు. అదే రోజు హర్యానాలోని పానిపట్ జిల్లాలో నౌమాన్ ఇలాహి (24) అనే వ్యక్తిని అరెస్టు చేశారు. ఉత్తర్ప్రదేశ్లోని కైరానాకు చెందిన ఇతను ఐఎస్ఐతో సంప్రదింపులు జరిపినట్లు పోలీసులు గుర్తించారు.
హర్యానాలోని కైథల్ జిల్లాకు చెందిన దేవేందర్ సింగ్ను మే 16న అరెస్టు చేశారు. ఆయుధాలతో దిగిన ఫోటోలను సామాజిక మాధ్యమాల్లో పోస్ట్ చేశాడనే ఆరోపణలతో అతడిని అదుపులోకి తీసుకున్నారు. పొలిటికల్ సైన్స్లో మాస్టర్స్ డిగ్రీ చదువుతున్న ఇతను గత ఏడాది పాకిస్థాన్కు వెళ్లాడని, ఆ సమయంలోనే అక్కడి నిఘా వర్గాలతో పరిచయం ఏర్పరచుకుని, నిరంతరం టచ్లో ఉన్నాడని పోలీసులు ఆరోపిస్తున్నారు. పటియాలా కంటోన్మెంట్కు సంబంధించిన కొన్ని చిత్రాలను పంపినట్లు అతను అంగీకరించాడని అధికారులు తెలిపారు.
అదే రోజు, మే 16న, హర్యానాలోని హిసార్కు చెందిన యూట్యూబర్ జ్యోతి మల్హోత్రాను అరెస్టు చేయడం సంచలనం సృష్టించింది. పహల్గామ్ దాడికి ముందు ఆమె పలుమార్లు పాకిస్థాన్లో పర్యటించిందని, ఒకసారి చైనాకు కూడా వెళ్లొచ్చినట్లు పోలీసులు వెల్లడించారు. ‘ఆపరేషన్ సిందూర్’ అనంతరం నెలకొన్న ఉద్రిక్తతల సమయంలో డానిష్తో ఆమె టచ్లో ఉన్నట్లు నిర్ధారించారు. పహల్గామ్ ఘటనకు ముందు అక్కడికి వెళ్లి వీడియోలు చిత్రీకరించి, ఆ సమాచారాన్ని పాక్ ఏజెంట్లకు చేరవేసి ఉండవచ్చని అధికారులు అనుమానిస్తున్నారు.
మే 17న హరియాణాలోని నుహ్ జిల్లాలో అర్మాన్ (26) అనే వ్యక్తిని అరెస్టు చేశారు. పాక్ హైకమిషన్లోని ఓ ఉద్యోగి ద్వారా భారత సైన్యం, ఇతర సైనిక కార్యకలాపాలకు సంబంధించిన సమాచారాన్ని పంచుకున్నందుకు అతడిపై చర్యలు తీసుకున్నట్లు పోలీసులు తెలిపారు. సోమవారం నుహ్ పోలీసులు మరో వ్యక్తిని కూడా అదుపులోకి తీసుకున్నారు.
ఇక, మే 18న సరిహద్దు అక్రమ రవాణా, గూఢచర్యం ఆరోపణలపై షెహజాద్ అనే వ్యక్తిని ఉత్తర్ప్రదేశ్లోని రాంపుర్లో మొరాదాబాద్ యూనిట్ ఎస్టీఎఫ్ అరెస్టు చేసింది. జాతీయ భద్రతకు సంబంధించిన సున్నితమైన సమాచారాన్ని ఐఎస్ఐకు చేరవేస్తున్నాడని, అనేకసార్లు పాక్కు ప్రయాణించి సౌందర్య సాధనాలు, దుస్తులు, సుగంధ ద్రవ్యాలు వంటి వస్తువులను అక్రమంగా రవాణా చేస్తున్నాడని అధికారులు ఆరోపించారు.
