Falcon Passport: పాస్ పోర్ట్ తీసుకుని విమానాల్లో విహరిస్తున్న డేగ.. వీడియో ఇదిగో!
- అబుదాబి విమానాశ్రయంలో ఓ వ్యక్తి డేగతో ప్రయాణం
- విమానం క్యాబిన్లో యజమానితో పాటు డేగ జర్నీ
- డేగకు ప్రత్యేక పాస్పోర్ట్.. వివరాలు వెల్లడించిన యజమాని
- ఇన్స్టాగ్రామ్లో వైరల్ గా మారిన వీడియో
ఆకాశంలో స్వేచ్ఛగా విహరించే పక్షులకు పాస్ పోర్ట్ తో పనేముంటుంది..? ఎంచక్కా ఎగురుకుంటూ ఎక్కడికైనా వెళ్లిపోతాయి. అయితే, అబుదాబిలో మాత్రం ఓ పెంపుడు డేగ తన యజమానితో పాటు విమానాల్లో ప్రయాణిస్తోంది. ఈ డేగకు ప్రత్యేకంగా పాస్ పోర్ట్ కూడా ఉండడం విశేషం. తాజాగా మొరాకో వెళ్లేందుకు అబుదాబి ఎయిర్ పోర్ట్ కు వచ్చిన ఓ ప్రయాణికుడి చేతిలో ఈ డేగ కనిపించింది. దీంతో అక్కడున్న ఓ ప్రయాణికుడు ఆ డేగ యజమానితో మాటలు కలిపాడు. డేగను విమానంలో తీసుకువస్తున్నారా అని అడగగా అవునని జవాబిచ్చిన సౌదీ వ్యక్తి.. డేగకు ప్రత్యేకంగా పాస్ పోర్ట్ కూడా తీశానని చెప్పాడు.
పాస్పోర్ట్ లో ఆ డేగ లింగం, పుట్టిన దేశం, ఇంతకు ముందు సందర్శించిన ప్రదేశాల వివరాలు ఉన్నాయి. "ఇది మగ పక్షి, స్పెయిన్కు చెందినది" అని ఆ పాస్పోర్ట్లోని వివరాలను యజమాని చదివి వినిపించాడు. ఇది చూసి ఆ ప్రయాణికుడు "ఇది చాలా అసాధారణం" అని ఆశ్చర్యం వ్యక్తం చేశాడు. ఈ సంభాషణకు సంబంధించిన వీడియో ప్రస్తుతం ఇన్స్టాగ్రామ్లో వైరల్ అవుతోంది. ఇప్పటివరకు 1.6 మిలియన్లకు పైగా నెటిజన్లు ఈ వీడియోను చూసి లైకులు, కామెంట్లు పెడుతున్నారు. కొందరు నెటిజన్లు తమకంటే ఆ డేగ మెరుగైన జీవితాన్ని గడుపుతోందని సరదాగా వ్యాఖ్యానించారు. యూఏఈ సంపన్నుల విలాసవంతమైన జీవనానికి ఇది నిదర్శనమని మరికొందరు పేర్కొన్నారు.
పాస్పోర్ట్ లో ఆ డేగ లింగం, పుట్టిన దేశం, ఇంతకు ముందు సందర్శించిన ప్రదేశాల వివరాలు ఉన్నాయి. "ఇది మగ పక్షి, స్పెయిన్కు చెందినది" అని ఆ పాస్పోర్ట్లోని వివరాలను యజమాని చదివి వినిపించాడు. ఇది చూసి ఆ ప్రయాణికుడు "ఇది చాలా అసాధారణం" అని ఆశ్చర్యం వ్యక్తం చేశాడు. ఈ సంభాషణకు సంబంధించిన వీడియో ప్రస్తుతం ఇన్స్టాగ్రామ్లో వైరల్ అవుతోంది. ఇప్పటివరకు 1.6 మిలియన్లకు పైగా నెటిజన్లు ఈ వీడియోను చూసి లైకులు, కామెంట్లు పెడుతున్నారు. కొందరు నెటిజన్లు తమకంటే ఆ డేగ మెరుగైన జీవితాన్ని గడుపుతోందని సరదాగా వ్యాఖ్యానించారు. యూఏఈ సంపన్నుల విలాసవంతమైన జీవనానికి ఇది నిదర్శనమని మరికొందరు పేర్కొన్నారు.
