ఎయిర్పోర్ట్ చెత్తబుట్టలో శిశువు మృతదేహం
- ముంబయిలోని ఛత్రపతి శివాజీ అంతర్జాతీయ విమానాశ్రయంలో ఘటన
- విమానాశ్రయం టెర్మినల్-2లోని వాష్రూమ్ చెత్తబుట్టలో శిశువు మృతదేహం
- ఈ ఘటనతో ప్రయాణికులు, యాజమాన్యం దిగ్భ్రాంతి
ముంబయిలోని ఛత్రపతి శివాజీ అంతర్జాతీయ విమానాశ్రయంలో అమానవీయ ఘటన చోటుచేసుకుంది. అప్పుడే పుట్టిన నవజాత శిశువు మృతదేహం బాత్రూమ్ చెత్తబుట్టలో కనిపించింది. మంగళవారం రాత్రి 10.30 గంటల సమయంలో ముంబయి విమానాశ్రయం టెర్మినల్-2లోని వాష్రూమ్ శుభ్రం చేస్తున్న సమయంలో సిబ్బంది ఓ శిశువు మృతదేహాన్ని గుర్తించారు. దీంతో ప్రయాణికులు, యాజమాన్యం దిగ్భ్రాంతికి గురయ్యారు.
మృతదేహాన్ని పోస్టుమార్టం కోసం పంపి, గుర్తుతెలియని వ్యక్తులపై కేసు నమోదు చేసినట్లు ముంబయి పోలీసులు తెలిపారు. ఈ దారుణానికి ఎవరు పాల్పడ్డారనే విషయాన్ని తెలుసుకోవడానికి సీసీ కెమెరా దృశ్యాలను పరిశీలిస్తున్నట్లు పేర్కొన్నారు. చిన్నారిని హత్య చేసి ఉంటారా? లేదా మృతశిశువు జన్మించడంతో చెత్త డబ్బాలో పడేసి వెళ్లారా? అనే కోణంలో దర్యాప్తు చేస్తున్నట్లు పోలీసులు తెలిపారు.
మృతదేహాన్ని పోస్టుమార్టం కోసం పంపి, గుర్తుతెలియని వ్యక్తులపై కేసు నమోదు చేసినట్లు ముంబయి పోలీసులు తెలిపారు. ఈ దారుణానికి ఎవరు పాల్పడ్డారనే విషయాన్ని తెలుసుకోవడానికి సీసీ కెమెరా దృశ్యాలను పరిశీలిస్తున్నట్లు పేర్కొన్నారు. చిన్నారిని హత్య చేసి ఉంటారా? లేదా మృతశిశువు జన్మించడంతో చెత్త డబ్బాలో పడేసి వెళ్లారా? అనే కోణంలో దర్యాప్తు చేస్తున్నట్లు పోలీసులు తెలిపారు.
