సోషల్ మీడియాలో వార్తలపై స్పందించిన సిరాజ్
- జనై భోస్లే తనకు సోదరి లాంటిదని పేర్కొన్న సిరాజ్
- జనై భోస్లే, సిరాజ్ లు డేటింగ్ లో ఉన్నారంటూ రూమర్స్
- సోషల్ మీడియా వేదికగా క్లారిటీ ఇచ్చిన సిరాజ్, జనై భోస్లే
ఈ ప్రచారానికి అడ్డుకట్ట వేయాలని భావించిన సిరాజ్ వెంటనే స్పందించారు. తమపై వస్తున్న అసత్య ప్రచారాలను నమ్మవద్దని విజ్ఞప్తి చేశారు. జనై తనకు సోదరి లాంటిదని ఆయన పేర్కొన్నారు. ఈ మేరకు ఆయన ఇన్స్టాగ్రామ్లో ఒక పోస్ట్ పెట్టారు. "ఆమె లాంటి సోదరి నాకు ఎవరూ లేరు. ఆమె లేకుండా నేను ఉండాలనుకోను. నక్షత్రాలతో చంద్రుడు ఉన్నట్లుగా, ఆమె వెయ్యి మందిలో ఒకరు" అంటూ కవితాత్మకంగా రాసుకొచ్చారు. మరోవైపు జనై కూడా ఈ పుకార్లపై స్పందిస్తూ, సిరాజ్ తనకు ప్రియమైన సోదరుడని పేర్కొన్నారు.
సింగర్ జనై భోస్లే గురించి ప్రత్యేకంగా చెప్పనవసరం లేదు. ఆమె లెజెండరీ సింగర్ ఆశా భోస్లే మనవరాలు అన్న విషయం అందరికీ తెలిసిందే.
