Telangana: డీఎస్సీ నోటిఫికేషన్‌ను రద్దు చేసిన తెలంగాణ ప్రభుత్వం

తెలంగాణ ప్రభుత్వం డీఎస్సీ నోటిఫికేషన్‌ను రద్దు చేసింది. రేపు లేదా ఎల్లుండి కొత్త నోటిఫికేషన్ వెలువడే అవకాశం ఉంది. ఇప్పుడున్న 5,089 పోస్టులకు తోడు మరిన్ని పోస్టులతో నోటిఫికేషన్ విడుదల చేయనుంది. ఈ మేరకు డీఎస్సీ నోటిఫికేషన్‌ను రద్దు చేస్తూ స్కూల్ ఎడ్యుకేషన్ కమిషనర్ పేరిట ప్రెస్ నోట్ విడుదల అయింది.

06-09-2023న డీఎస్సీ ద్వారా 5,089 ఉపాధ్యాయ పోస్టుల భర్తీకి నోటిఫికేషన్ విడుదల చేశామని, కానీ ఆ నోటిఫికేషన్‌ను రద్దు చేస్తున్నామని తెలంగాణ ప్రభుత్వం ఆ ప్రెస్ నోట్‌లో పేర్కొంది. తర్వాత కొత్త నోటిఫికేషన్ వెలువడుతుందని తెలిపింది. ఇక్కడ మరో కీలకమైన విషయం కూడా పేర్కొంది. క్రితంసారి దరఖాస్తు చేసుకున్న వారు కొత్తగా దరఖాస్తు చేసుకోవాల్సిన అవసరం లేదని... వారి దరఖాస్తులు ఆటోమేటిక్‌గా క్యారీ ఫార్వార్డ్ అవుతాయని తెలిపింది.