మహేశ్ బాబు 'గుంటూరు కారం' నుంచి ఫస్ట్ సింగిల్... ప్రోమో ఇదిగో!

సూపర్ స్టార్ మహేశ్ బాబు కొత్త చిత్రం 'గుంటూరు కారం' నుంచి తొలి పాట విడుదలకు రంగం సిద్ధమవుతోంది. 'దమ్ మసాలా' అనే ఈ మాస్ మసాలా గీతం ప్రోమోను చిత్రబృందం నేడు విడుదల చేసింది. పూర్తి లిరికల్ వీడియోను నవంబరు 7న విడుదల చేయనున్నారు. 

"దమ్ మసాలా బిర్యానీ... గుద్దిపారేయ్ గుంటూర్నీ" అంటూ ఎనర్జటిక్ గా సాగే ఈ గీతాన్ని రామజోగయ్యశాస్త్రి రచించారు. మాటల మాంత్రికుడు త్రివిక్రమ్ శ్రీనివాస్ దర్శకత్వంలో వస్తున్న 'గుంటూరు కారం' చిత్రానికి తమన్ సంగీతం అందిస్తున్నారు. హారిక్ అండ్ హాసిని క్రియేషన్స్ బ్యానర్ పై ఈ చిత్రం రూపుదిద్దుకుంటోంది. ఇందులో మహేశ్ బాబు సరసన శ్రీలీల, మీనాక్షి చౌదరి కథానాయికలు.