Ram: 'స్కంద' ఫైటింగ్ సీన్ పై ట్రోలింగ్... ఫొటోతో బదులిచ్చిన రామ్

ఎనర్జటిక్ హీరో రామ్, బోయపాటి శ్రీను దర్శకత్వంలో తెరకెక్కిన చిత్రం స్కంద. ఈ సినిమా సెప్టెంబరు 28న ప్రేక్షకుల ముందుకు వచ్చింది. అయితే ఈ సినిమాలో ఓ ఫైటింగ్ సీన్ పై నెట్టింట భారీ ట్రోలింగ్ జరుగుతోంది. మీమ్స్ కూడా వస్తున్నాయి. ముఖ్యంగా, సెట్స్ పై ఓ ఫైటింగ్ సీన్ ను బోయపాటి చేసి చూపిస్తున్న ఫొటోను వైరల్ చేస్తున్నారు. 

దీనిపై హీరో రామ్ పోతినేని స్పందించారు. ఆ ఫైటింగ్ సీన్ కోసం తాను ఎంత కష్టపడిందీ వివరించారు. తన పాదాలకు రక్తం కారుతున్న ఫొటోను కూడా రామ్ పంచుకున్నారు. ఏప్రిల్ నెలలో, వేసవి కాలంలో ఆ సీన్ షూట్ చేశామని, ఆ ఫైట్ సీక్వెన్స్ అయిపోయాక తాను సరిగ్గా నడవలేకపోయానని వెల్లడించారు. 

"ఆ ఫైట్ సీన్ చేసేటప్పుడు ఏం జరిగిందంటే... నేను ఒక సీన్ చేశాక నేను నడవలేకపోయాను. లేని ఓపిక తెచ్చుకుని నడవబోయాను. కానీ పాదాల నుంచి రక్తం వచ్చింది. దాంతో ఆ సీన్ ఎలా రావాలన్నదానిపై దర్శకుడు బోయపాటి చేసి చూపించారు. ఆడియన్స్ కోసం రక్తం, చెమట చిందించడానికి నేను సిద్ధంగా ఉంటాను. ప్రేక్షకులకు భిన్నమైన అభిప్రాయాలు ఉంటాయి... వారి అభిప్రాయాలను ఎప్పుడూ గౌరవిస్తాను" అని రామ్ పేర్కొన్నారు.