రెండ్రోజుల్లో ‘స్కంద' కలెక్షన్స్​ ఎంతంటే!

రామ్ పోతినేని, బోయపాటి శ్రీను కాంబినేషన్ లో వచ్చిన మాస్ ఎంటర్‌‌టైనర్  'స్కంద'. అందాల నటి శ్రీలీల హీరోయిన్‌గా నటించిన ఈ సినిమా ఈ శుక్రవారం ప్రపంచ వ్యాప్తంగా విడుదలైంది. రామ్‌ కెరీర్‌‌లో ఇది తొలి ప్యాన్‌ ఇండియా చిత్రం. సినిమాకు మిక్స్‌డ్‌ టాక్ వచ్చింది. మొదటి రోజు రామ్ కెరీర్ లో అత్యధికంగా ఓపెనింగ్స్ సాధించింది. తొలి రోజు రెండు రాష్ట్రాల్లో కలిపి ఈ సినిమా రూ. 8.62 కోట్లు రాబట్టింది. రెండో రోజు రూ.3.49 కోట్ల రూపాయలు షేర్ తెచ్చుకుంది. మొత్తంగా రెండ్రోజుల్లో కలిపి ఈ సినిమాకు 12.11 కోట్ల షేర్ లభించింది. వారాంతంలో శని, ఆదితో పాటు సోమవారం గాంధీ జయంతి సందర్భంగా సెలవు కావడంతో కలెక్షన్స్ పెరిగే అవకాశం ఉందని చిత్ర బృందం భావిస్తోంది.