కేసీఆర్కు స్వల్ప అస్వస్థత, ట్వీట్ చేసిన కేటీఆర్
- వారం రోజులుగా వైరల్ ఫీవర్తో బాధపడుతున్నారని వెల్లడి
- వైద్యుల పర్యవేక్షణలో ఇంట్లో చికిత్స తీసుకుంటున్నట్లు తెలిపిన మంత్రి
- కొన్ని రోజుల్లో సాధారణ స్థితికి చేరుకుంటారని డాక్టర్లు చెప్పినట్లు వెల్లడి
తెలంగాణ ముఖ్యమంత్రి కేసీఆర్ స్వల్ప అస్వస్థతకు గురయ్యారు. వారం రోజులుగా కేసీఆర్ వైరల్ ఫీవర్, దగ్గుతో బాధపడుతున్నట్లుగా రాష్ట్ర ఐటీ, పరిశ్రమల శాఖ మంత్రి కేటీఆర్ తెలిపారు. ఈ మేరకు ఆయన సోషల్ మీడియా అనుసంధాన వేదిక ఎక్స్ ద్వారా వెల్లడించారు. వైద్యుల పర్యవేక్షణలో ఇంట్లోనే చికిత్స తీసుకుంటున్నారని వెల్లడించారు. కొన్ని రోజుల్లో సాధారణ స్థితికి చేరుకుంటారని వైద్యులు చెప్పారన్నారు.
