మోదీకి బైడెన్ దంపతులు ఇచ్చిన బహుమతులు ఇవే!

అమెరికా పర్యటనలో ఉన్న ప్రధాని మోదీ వైట్ హౌస్ కు చేరుకున్నారు. అక్కడ మోదీకి అమెరికా అధ్యక్షుడు జో బైడెన్, ప్రథమ మహిళ బిల్ బైడెన్ లు ఘన స్వాగతం పలికారు. ఈ సందర్భంగా ఇరువురు దేశాధినేతలు పలు విషయాలపై మాట్లాడుకున్నారు. అనంతరం విందులో పాల్గొన్నారు. ఈ సందర్భంగా మోదీకి బైడెన్ దంపతులు పలు బహుమతులను అందించారు. వీటిలో 20వ శతాబ్దపు ప్రారంభపు కాలానికి చెందిన పురాతన అమెరికన్ బుక్ గ్యాలీ ఉంది. పాతకాలానికి చెందిన ఓ కొడక్ కెమెరాను బహూకరించారు. అమెరికన్ వైల్డ్ లైఫ్ ఫొటోగ్రఫీ హార్డ్ కవర్ పుస్తకాన్ని ఇచ్చారు. రాబర్ట్ ఫ్రాస్ట్ కవితల సంకలన మొదటి ఎడిషన్ కాపీని మోదీకి జిల్ బైడెన్ బహూకరించారు.