Pavan Kalyan: పవన్ - సాయితేజ్ మూవీ ఫస్టు లుక్ రెడీ!

పవన్ కల్యాణ్ - సాయితేజ్ కలిసి సముద్రఖని దర్శకత్వంలో ఒక సినిమా చేస్తున్నారు. చిరూతో తప్ప మెగా ఫ్యామిలీలోని ఏ హీరోతోను పవన్ ఇంతవరకూ కలిసి నటించలేదు. అలాంటిది మొదటిసారిగా ఆయన సాయితేజ్ తో కలిసి ఈ సినిమాలో నటిస్తున్నారు. ముఖ్యంగా ఈ కాంబినేషన్ అందరిలో ఆసక్తిని రేకెత్తిస్తోంది. 

ఈ సినిమా నుంచి ఫస్టులుక్ ను రేపు సాయంత్రం 4:14 నిమిషాలకు రిలీజ్ చేయనున్నారు. ఈ విషయాన్ని తెలియజేస్తూ, అందుకు సంబంధించిన పోస్టర్ ను కొంతసేపటి క్రితం వదిలారు. ఈ సినిమాకి ఇంతవరకూ టైటిల్ ఖరారు చేయలేదు. రేపు టైటిల్ తో కూడిన ఇంట్రెస్టింగ్ అప్ డేట్ ను ఇవ్వనున్నారు.   

తమిళంలో సముద్రఖని తెరకెక్కించిన 'వినోదయా సితం' సినిమాకి ఇది రీమేక్. 2021 అక్టోబర్లో విడుదలైన ఆ సినిమా అక్కడ సక్సెస్ టాక్ ను అందుకుంది. ఈ కాన్సెప్ట్ ఒక డిఫరెంట్ జోనర్లోకి వస్తుంది. అందువలన తెలుగు కాంబినేషన్ కూడా కాస్త చిత్రంగా అనిపిస్తుంది. సముద్రఖని దర్శకుడిగా కూడా తెలుగులో తన సత్తా చాటనున్నాడన్న మాట.