Shivraj Singh Chouhan: ప్రభుత్వ పాఠశాలల్లో హిందూ మత గ్రంధాలను బోధిస్తాం: సీఎం శివరాజ్ సింగ్ చౌహాన్

మధ్యప్రదేశ్ ముఖ్యమంత్రి శివరాజ్ సింగ్ చౌహాన్ చేసిన వ్యాఖ్యలు చర్చనీయాంశంగా మారాయి. ప్రభుత్వ పాఠశాలల్లో భగవద్గీత, రామచరితమానస్, వేదాల వంటి హిందూ మత గ్రంధాలను బోధిస్తామని ఆయన వ్యాఖ్యానించారు. ఈ గ్రంధాలన్నీ చాలా అమూల్యమైనవని... మనిషిని సంపూర్ణ వ్యక్తిగా, నైతికత గల వ్యక్తిగా తీర్చిదిద్దే సామర్థ్యం ఈ గ్రంధాలకు ఉందని చెప్పారు. ఈ గ్రంధాలను బోధించాల్సిన అవసరం ఉందని ఒక ముఖ్యమంత్రిగా తాను చెపుతున్నానని అన్నారు. ఇతర సబ్జెక్టులతో పాటు హిందూ గ్రంధాలను కూడా ప్రభుత్వ పాఠశాలల్లో బోధిస్తామని చెప్పారు.