Jagan: రేపు విజయవాడ, నెల్లూరులో సీఎం జగన్ పర్యటన

ఏపీ సీఎం జగన్ రేపు (డిసెంబరు 7) విజయవాడ, నెల్లూరులో పర్యటించనున్నారు. రేపు విజయవాడ మున్సిపల్ స్టేడియంలో 'జయహో బీసీ' సభ జరగనుండగా, ఉదయం 11.50 గంటలకు సీఎం జగన్ ఈ సభకు హాజరు కానున్నారు. మధ్యాహ్నం ఒంటి గంట వరకు ఈ సభలో పాల్గొంటారు. 

మధ్యాహ్నం 2 గంటలకు నెల్లూరు బయల్దేరతారు. మధ్యాహ్నం 3.25 గంటలకు నెల్లూరు రూరల్ మండలం కనపర్తిపాడు చేరుకుంటారు. సూళ్లూరుపేట ఎమ్మెల్యే సంజీవయ్య కుమార్తె వివాహ రిసెప్షన్ లో పాల్గొంటారు. ఈ రిసెప్షన్ కార్యక్రమం స్థానిక వీపీఆర్ కన్వెన్షన్ లో జరగనుంది. రేపు సాయంత్రం 6.20 గంటలు తిరిగి తాడేపల్లి నివాసానికి చేరుకుంటారు. 

కాగా, ఇవాళ సీఎం జగన్ కడప జిల్లాలో పర్యటించాలని భావించినప్పటికీ వాతావరణం అనుకూలించకపోవడంతో పర్యటన రద్దు చేసుకున్న సంగతి తెలిసిందే.