Couple: రుషికొండ బీచ్ లో కొట్టుకొచ్చిన రెండు మృతదేహాలు.. కలకలం!

విశాఖపట్నంలోని రుషికొండ బీచ్ లో జంట మృతదేహాలు కొట్టుకురావడం కలకలం రేపుతోంది. రుషికొండ సముద్ర తీరానికి నిన్న ఒక యువకుడి మృతదేహం కొట్టుకొచ్చింది. మృతుడిని నంద్యాలకు చెందిన వెంకటరెడ్డిగా గుర్తించారు. ఈ తెల్లవారుజామున యువతి డెడ్ బాడీ కొట్టుకొచ్చింది. ఆమెను విజయనగరం జిల్లాకు చెందిన దివ్యగా గుర్తించారు. కేసు నమోదు చేసిన పోలీసులు... వీరిద్దరి మృతి వెనుక కారణాలను అన్వేషిస్తున్నారు. వీరి మరణాల వెనుక ఏ కారణాలు ఉన్నాయనే కోణంలో దర్యాప్తు చేపట్టారు.