బండి సంజ‌య్‌కు బ‌ర్త్ డే విషెస్ చెప్పిన కేసీఆర్‌... సీఎంకు థ్యాంక్స్ చెప్పిన బీజేపీ ఎంపీ

బీజేపీ తెలంగాణ రాష్ట్ర అధ్య‌క్షుడు, క‌రీంన‌గ‌ర్ ఎంపీ బండి సంజ‌య్ జ‌న్మ‌దినాన్ని పుర‌స్క‌రించుకుని సోమ‌వారం ఆయ‌న‌కు పెద్ద ఎత్తున శుభాకాంక్ష‌లు వెల్లువెత్తాయి. ఈ క్ర‌మంలో తెలంగాణ సీఎం కేసీఆర్ కూడా ఆయ‌న‌కు బ‌ర్త్ డే విషెస్ చెబుతూ ఓ ప్ర‌క‌ట‌న విడుద‌ల చేశారు. "మీకు హృద‌య‌పూర్వ‌క పుట్టిన రోజు శుభాకాంక్ష‌లు. మీరు ఆయురారోగ్యాల‌తో నిండు నూరేళ్లు ప్ర‌జ‌ల‌కు సేవ‌లు అందించాల‌ని మ‌న‌స్ఫూర్తిగా ఆ భ‌గ‌వంతుడిని కోరుకుంటున్నాను" అంటూ ఆ ప్ర‌క‌ట‌న‌లో కేసీఆర్ ఆకాంక్షించారు. 

కేసీఆర్ గ్రీటింగ్స్‌కు స్పందించిన బండి సంజ‌య్‌... సీఎంకు ధ‌న్య‌వాదాలు తెలుపుతూ సోష‌ల్ మీడియా వేదిక‌గా ఓ ట్వీట్ చేశారు. "నా పుట్టినరోజు సందర్భంగా శుభాకాంక్షలు అందజేసిన గౌరవ ముఖ్యమంత్రి శ్రీ కె. చంద్రశేఖర్ రావు గారికి నా హృదయపూర్వక ధన్యవాదాలు" అంటూ స‌ద‌రు ట్వీట్‌లో బండి సంజ‌య్ పేర్కొన్నారు.