TDP: బాబు రావాలి.. బాధలు తీరాలి: చంద్రబాబు టూర్లో ద్రవిడ వర్సిటీ విద్యార్థుల నినాదాలు
టీడీపీ అధినేత నారా చంద్రబాబునాయుడు కుప్పం పర్యటన కొనసాగుతోంది. మూడు రోజుల పర్యటన నిమిత్తం బుధవారం కుప్పం వెళ్లిన చంద్రబాబు... రెండో రోజైన గురువారం కుప్పం పరిధిలోని పలు పల్లెల్లో పర్యటించారు. ఈ సందర్భంగా కుప్పం పరిధిలోని ద్రవిడ విశ్వవిద్యాలయానికి చెందిన విద్యార్థులు చంద్రబాబుకు తమ గోడును వెళ్లబోసుకున్నారు. వర్సిటీలో కనీస సదుపాయాలు లేవని, లెక్కలేనన్ని సమస్యలతో ఇబ్బంది పడుతున్నామని ఈ సందర్భంగా వారు చంద్రబాబుకు తెలిపారు.
ఈ సందర్భంగా విద్యార్థులు బాబు రావాలి.. మా బాధలు తీరాలి అంటూ పెద్ద పెట్టున నినాదాలు చేశారు. సమస్యల పరిష్కరించమని అడిగితే పట్టించుకునే నాథుడే కరువయ్యాడంటూ విద్యార్థులు చంద్రబాబుకు ఫిర్యాదు చేశారు. తమ సమస్యల పరిష్కారంపై దృష్టి సారించాలని వారు ఆయనను వేడుకున్నారు.
ఈ సందర్భంగా విద్యార్థులు బాబు రావాలి.. మా బాధలు తీరాలి అంటూ పెద్ద పెట్టున నినాదాలు చేశారు. సమస్యల పరిష్కరించమని అడిగితే పట్టించుకునే నాథుడే కరువయ్యాడంటూ విద్యార్థులు చంద్రబాబుకు ఫిర్యాదు చేశారు. తమ సమస్యల పరిష్కారంపై దృష్టి సారించాలని వారు ఆయనను వేడుకున్నారు.
