Sarkaru Vaari Paata: ఆకట్టుకుంటున్న మ‌హేశ్ బాబు 'నేను విన్నాను.. నేను ఉన్నాను' డైలాగ్!

టాలీవుడ్ సూప‌ర్ స్టార్ మ‌హేశ్ బాబు తాజా చిత్రం స‌ర్కారువారి పాట ట్రైల‌ర్ సినీ ప్రేక్ష‌కుల‌ను ఇట్టే అల‌రిస్తోంది. ద‌ర్శ‌కుడు ప‌ర‌శురామ్ తెర‌కెక్కించిన ఈ సినిమాలో మ‌హేశ్ బాబు ప‌లు వేరియేష‌న్ల‌తో కూడిన డైలాగ్‌లు చెప్పారు. ఇలాంటి డైలాగుల్లో ఓ డైలాగ్ అంద‌రినీ విశేషంగా ఆక‌ట్టుకుంటోంది.

విదేశాల్లో చ‌దువుకుంటున్న హీరోయిన్ కీర్తి సురేశ్... త‌న ఎగ్జామ్ ఫీజు క‌ట్టేందుకు ఇబ్బంది ప‌డుతూ ఓ ప‌ది వేల డాల‌ర్లు సాయం చేస్తే టాప్ ర్యాంకు తెచ్చుకుంటానంటూ చెప్పిన స‌మ‌యంలో 'నేను విన్నాను... నేను ఉన్నాను' అంటూ మ‌హేశ్ బాబు పొలిటీషియ‌న్ మాదిరి డైలాగ్ చెబుతారు.

వైఎస్ జీవిత చ‌రిత్ర ఆధారంగా తెర‌కెక్కిన 'యాత్ర' సినిమాలో ఈ డైలాగ్ ఆక‌ట్టుకుంది. ఉమ్మ‌డి రాష్ట్ర సీఎంగా దివంగ‌త సీఎం వైఎస్ రాజ‌శేఖ‌రరెడ్డి ప్ర‌జ‌ల క‌ష్టాలు వింటూ ముందుకు వెళుతున్న స‌మ‌యంలో నేను విన్నాను... నేను ఉన్నాను అంటూ ప్ర‌జ‌ల‌కు భ‌రోసా ఇస్తూ సాగిన వైనాన్ని ఆ సినిమాలో చూపించారు. అది బాగా పాప్యులర్ కావడంతో తన ప్రజా సంకల్ప యాత్రలో జగన్ ప్రతి మీటింగులోనూ ఇదే డైలాగును చెబుతూ ప్రజలను ఆకట్టుకున్నారు. తాజాగా మ‌హేశ్ బాబు సినిమాలోనూ వినిపించిన ఈ డైలాగ్ మ‌రింత‌గా ఆస‌క్తి రేకెత్తిస్తోంది,