wife: కట్నం కోసం భార్యపై గ్యాంగ్ రేప్.. వీడియో అమ్మకానికి ..!

కట్నం కోసం కట్టుకున్న భార్య గౌరవాన్ని బజారు పాలు చేశాడో ఉన్మాది. రాజస్థాన్ రాష్ట్రంలోని భరత్ పూర్ లో ఈ దారుణం చోటు చేసుకుంది. పెళ్లి కట్నం కింద రూ.1.5 లక్షలు అమ్మాయి తరఫు వారు ఇవ్వలేకపోయారు. దీంతో ఇద్దరు బంధువులతో భార్యపై అత్యాచారం చేయించాడు. దాన్ని ఫోన్లో వీడియో తీశాడు. సదరు వీడియోను యూట్యూబ్ లో పెట్టి తన కట్నం డబ్బులు సంపాదించుకుంటానని భార్యతో చెప్పాడు. దీంతో బాధితురాలు తన భర్త, ఇద్దరు బంధువులపై కమాన్ పోలీస్ స్టేషన్ లో కేసు దాఖలు చేసింది.

‘‘ఒక మహిళ అత్యాచారం కేసు నమోదు చేసింది. తన భర్త, ఇద్దరు బంధువులు అందులో పాల్గొన్నట్టు పేర్కొంది. పోర్నోగ్రాఫిక్ వీడియోను యూట్యూబ్ లో అప్ లోడ్ చేసినట్టు ఆరోపణ. దీన్ని ఇంకా ధ్రువీకరించుకోవాల్సి ఉంది’’అని స్టేషన్ హౌస్ ఆఫీసర్ దౌలత్ సాహు తెలిపారు. 2019లో వివాహం కాగా, అప్పటి నుంచి భర్త తరఫు వారు కట్నం కోసం వేధిస్తున్నట్టు బాధితురాలి వాదనగా ఉంది. కట్నం తేలేకపోవడంతో తనపై అత్యాచారం చేయించి, వీడియో తీసి యూట్యూబ్ లో అప్ లోడ్ చేసినట్టు ఆమె చెప్పింది.